Hindi napigilan ng ilang Team Payaman members na ibahagi ang kanilang emosyon matapos pumutok ang balitang hiwalayan ng on and off screen couple na sina Kathryn Bernado at Daniel Padilla, o mas kilala bilang KathNiel.
Kagabi ay yumanig ang social media matapos kumpirmahin ng tambalang KathNiel na tinapos na nila ang kanilang higit labing isang taong relasyon.
Chapter Closed
Sa isang Instagram post, inamin ng 27-anyos na aktres ang paghihiwalay nila ng kanyang long-time boyfriend, ngunit tinapos naman daw nila ito ng may respeto sa isa’t-isa.
Sinundan naman ito ng isa pang Instagram post mula kay Daniel, kung saan pinasalamatan naman nito si Kathryn sa labing isang taon nilang pagsasama. Nagpasalamat din ang 28-anyos na aktor sa kanilang mga fans na itinuring na aniya nilang pamilya.
Team Payaman Reacts
Samantala, hindi naman napigilan ng ilang Team Payaman members na ilabas ang kanilang reaksyon kaugnay sa nasabing hiwalayan.
Kanya-kaniyang share sa kanilang Instagram Story sina Burong, Vien Iligan-Velasquez, at Clouie Dims ng nasabing Instagram post ni Kathryn Bernardo. Tanging sad at broken heart emoji lang ang naibahagi ng mga ito sa labis na lungkot sa nasabing balita. Ganun din ang naging reaksyon ng VIYLine CEO na si Viy Cortez.
Isang Facebook meme naman ang ibinahagi ng Team Payaman editor na si Carlo Santos kung saan sinasabing suspendido ang klase dahil sa paghihiwalay ng KathNiel.
Pabirong sagot ng kanyang Boss Viviys: “Sige Carlo maghiwalay na din tayo ng landas.”
“Di muna ako mag eedit sa Dec 1,” hirit naman ng video editor ni Pat Velasquez na si Angel Amaqui.
Hindi naman pinalampas ng negosyong Burgeran nina Boss Keng at Junnie Boy na magpatawa at iedit ang mukha ng mga ito gaya ng viral social media post.
Samantala, dahil sa nasabing hiwalayan, muling itinaya ng netizens ang kanilang pusta sa tambalang Cong TV at Viy Cortez dahil sila na lang aniya ang nananatiling matatag ang relasyon.
