Tinupad na ni Kenneth Silva, a.k.a Chef Enn, ang ipinangako nito sa dating kasamahan sa Payamansion na si Kuya Inday.
Matatandaang noong nakaraang buwan ay binista ng resident chef ng Team Payaman ang dating caretaker ng Payamansion sa Dumaguete City.
Pero bukod sa pinagsaluhan nilang adventure sa nasabing probinsya, isang surpresa pala ang inihanda ni Chef Enn para sa kanyang kaibigan.
Sa nakaraang vlog ni Chef Enn, ipinakita nito ang bagong buhay ni Kuya Inday kung saan naantig ang puso ng netizen sa kasipagan nito sa kanyang bagong hanapbuhay bilang mangingisda.
Bagamat mas mahirap kumpara sa dati niyang trabaho bilang tagapangalaga ng Payamansion, nagsisikap pa ri si Kuya Inday upang mabigyann ng disenteng pamumuhay ang kanyang pamilya.
Dahil naranasan ni Chef Enn ang pinagdadaanan ni Kuya Inday bilang mangingisda, mas lalo nitong na-appreciate ang lahat ng mangingisda at magsasaka.
“Nawa po ay maging aral at inspirasyon sa’tin ang mga mangingisda na naghihirap sa gitna ng dagat. Talaga namang mahirap yung buhay dito sa isla, lalo kung mangingisda ka syempre buwis buhay yan,” ani Chef Enn.
Ipinangako rin nito na ang kikitain ng nasabing video ay mapupunta sa kaibigang si Kuya Inday.
Samantala, sa bagong YouTube vlog ni Chef Enn ay ibinahagi nito ang naging reaksyon ni Kuya Inday nang ipahatid na ang ipinangakong parte ng kinita ng nasabing Dumaguete vlog.
“Pre, salamat pre!” laking gulat ni Kuya Inday nang iabot sa kanya ang pera.
“Malaking tulong ‘to sakin sa gamit ko sa bangka, para pagbalik mo meron tayong sasakyan ulit. Pre, maraming maraming salamat sayo sa binigay mo sa’kin, akala ko naman biro lang ‘to,” dagdag pa nito.
Samantala, ipinangako naman ni Chef Enn na babalik ito sa Dumaguete para muling maka-bonding si Kuya Inday.
Watch the full vlog below:
Coffee is a non-negotiable staple for every Filipino—not just in the morning, but throughout the…
In today’s fast-paced world, coffee has become the go-to for every Filipino in daily life.…
The Velasquez Family proudly shared a special project close to their hearts as they teamed…
Sa gitna ng pagiging abala sa araw-araw, sinubukan ni Boss Keng na baguhin ang kanyang…
Isang simpleng family trip sa Japan ang naging pagkakataon ng Team Payaman mom na si…
Isang masayang pagbabalik-tanaw sa kabataan at mga kwentong puno ng tawanan ang hatid ng bagong…
This website uses cookies.