Team Payaman’s Mentos Flexes New Set of Smile

Matapos ang ilang taon nang pagtitiis sa kulang-kulang na mga ngipin, napag desisyunan na ng Team Payaman vlogger na si Michael Magnata, a.k.a Mentos, na ipaayos ito sa dentista. 

Ano naman kaya ang naging reaksyon ng kanyang mga kaibigan at kapwa Team Payaman members sa bagong itsura ni Mentos?

Dental procedure

“Nakakasawa nang maging bungal! Lagi na lang nila akong inaasar na bungal!” bungad ni Mentos sa kanyang bagong vlog

“Kayo, Team Payaman nilalait niyo ako. Ito ang ganti ng api na binungal-bungal niyo sa loob ng maraming taon,” dagdag pa nito. 

Matatandaang unang nakilala si Mentos sa Team Payaman bilang driver ni Cong TV, at madalas ring pinagkakatuwaan ng mga ito ang kakulangan niya sa ipin. 

Pero ngayong taon ay naisip ng “Haring Bangus” owner na i-improve ang kanyang sarili sa pamamagitan ng pagpapaayos ng ipin. 

Sa tulong ng Makati Dentist by Apostol Dental, sumailalim si Mentos sa iba’t ibang dental procedure gaya ng teeth cleaning, root canal, at ang paglalagay ng bagong mga ipin na kukumpleto sa kanyang mga ngiti. 

“Sabi ni Doc Jonas (Apostol), ‘alagaan mo yan kasi nakagawa kami ng himala pero hindi na namin kaya ulit!’” biro ni Mentos.

“Namiss ko yung ganitong itsura!” dagdag pa nito. 

Team Payaman’s reaction

Naging masaya naman ang Team Payaman para sa bago at nakakasilaw na mga ngiti ni Mentos. 

“Veneers na? Pero permanent na? Naks naman! Ampute!” ani Boss Keng. 

“Kumpleto na? Pag yan nabulok pa rin, ewan ko na sayo!” biro naman ni Cong TV.

Masaya naman si Burong na naibalik nito ang kumpiyansa sa sarili ni Mentos.

“Masaya ako para sayo, kasi masaya yung mga ngiti mo,” pagbati naman ni Carding

Samantala, ikinatuwa rin ng mga taga suporta ni Mentos ang magandang pagbabago sa kanyang sarili.

@anawatson0142: “Nanibago ako sa bagong itsura ni mentos haha pogi na sheeeeeesh”

@crislagudas434: “Kala ko ngipin lng babalik. Timbang din pala haha lets go mentis”

@badzlife69: “Kinikilig ako para sayo Mentes! Congrats!”

Watch the full vlog below:

Likes:
0 0
Views:
604
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *