Long Lost Sister? Netizens Poke Fun of Viy Cortez’s Resemblance to Charice Pempengco

Usap-usapan ngayon sa social media ang nakakatuwang post tungkol sa hindi maitatangging pagkakahawig ng Team Payaman vlogger na si Viy Cortez sa dating singing sensation na si Charice Pempengco.

Ano kaya ang naging reaksyon ni Viy Cortez matapos itong maging laman ng isang nakakatuwang social media post.

Charice x Viy

Kamakailan lang, isang post ang nagviral sa Facebook na nagpapakita ng pagkakahawig nina Viy Cortez at Charice Pempengco na ngayo’y kilala na bilang si Jake Zyrus.

Nang makita ang nasabing post, hindi napigilan ng 26-anyos na vlogger na ibahagi ang nasabing “meme” sa kanyang mga taga-suporta.

Libo-libong “HAHA” reacts ang inani ng nasabing Facebook post ni Viviys  matapos sakyan ang trip ng kanyang mga taga-suporta.

“Viy Cortez, tinanggi na s’ya ang nawawalang kapatid ni Charice Pempengco” ani ng nasa viral post.

Pabirong sagot naman ni Viy sa kanyang post: “Magkaboses lang po kami!”

Binigyang linaw naman ng vlogger-entrepreneur na pawang katuwaan lamang ang nasabing post at kailanma’y hindi ito sumalang sa kahit anong interview patungkol dito.

“PS: Fake news po ito ha. Wala po interview na naganap wag po kayo nagpapaniwala hahahahaha” 

Netizens’ Reactions

At syempre, hindi napigilan ng mga taga-suporta ni Viy Cortez na matawa at ipahatid ang kanilang komento sa nasabing katuwaan.

Talaga namang nakita din ng mga ito ang pagkakahawig ng dalawa pagdating sa kanilang mga facial features.

Ericka Nicole Basilio: “Hawig mo nga lods eh…”

Maria Kristina: “The twins!”

Karl Domingo: “Ang galing, akala ko si Jake Zyrus!”

Aira Patingo: “Sample, sample, sample!”

Tonette Uchi: “Miss ko boses mo!”

Ano ang hatol n’yo mga kapitbahay? Talaga nga bang magkahawig si Charice Pempengco at Viy Cortez?  Ipadala na ang inyong hatol sa ating comment section!