LOOK: Did Viy Cortez Accidentally Revealed Her and Cong TV’s Wedding Details?

Isa sa mga pinaka-aabangan na okasyon ng Team Payaman fans ay ang kasalang Cong TV at Viy Cortez. 

Matapos ang epic proposal ni Cong kay Viy noong Oktubre ng nakaraang taon, iisa lang ang tanong ng taumbayan: Kailan ang kasalan?

Mahigit isang taon na ang nakakalipas mula ang nasabing proposal ngunit nananatiling tahimik ang YouTube power couple sa detalye ng kanilang kasal. 

Pero kamakailan lang ay tila aksidenteng naibigay ni Viy Cortez ang ilang mahalagang detalye ng kanilang pag-iisang dibdib.

Wedding preparation 

Simula nang maging ganap na engaged couple noong October 28, 2022, tahimik lang sa paghahanda para sa kanilang kasal sina Cong TV at Viy Cortez. 

Sa kanilang bakasyon sa Japan noong Hunyo ay isinagawa na rin ng magkasintahan ang kanilang pre-wedding photoshoot kasama ang Nice Print Photography at Bob Nicolas Wedding Film

Inamin din ni Viviys na isa sa dahilan ng pagbabawas niya ng timbang ay ang nalalapit nilang kasal ng kanyang longtime boyfriend at ama ng anak nilang si Zeus Emmanuel Cortez Velasquez, a.k.a Kidlat. 

Ooopps!

Samantala, habang nagsasagawa ng livestream sa TikTok kamakailan lang, hindi naiwasan ni Viy Cortez na kiligin nang ibalita na nagbayad na sila ng venue para sa kanilang kasal.

“Sa mga nagpakasal dyan, alam nyo na kapag nagka-venue na kayo, okay na yon. Ibig sabihin madali na lang yung ibang bagay,” kwento ng 26-anyos na vlogger at entrepeneur. 

Sa sobrang kilig ay ipinasilip nito ang bahagi ng isang papel kung saan makikita ang mga salitang “Velasquez-Cortez Wedding.”

Pero hindi nakalagpas sa mata ng live viewers ang logo ng hotel na makikita sa nasabing papel, pati na ang petsang nakasulat dito. 

“Wala akong pampa-kain sa dalawang libo, ‘wag naman kayong pumunta kung nakita niyo yung details,” biro ni Viy. 

“Sorry, gustuhin ko mang pumunta kayong lahat na mga subscribers ko, ang mahal po kasi ng ano… wala po kaming pampakain, mi!” dagdag pa nito. 

May hula ba kayo kung kailan ang kasalang Cong at Viy?

Likes:
0 0
Views:
9008
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *