Daddy Keng on Duty: Pat Gaspar Shows First Week With Baby Isla

Masayang ibinahagi ng mag-asawang Boss Keng at Pat Velasquez-Gaspar ang kanilang bagong buhay bilang mga magulang ni Baby Isla Patriel. 

Sa kanyang bagong vlog, ipinakita ni Mommy Pat ang kanilang naging routine sa loob ng isang linggo simula nang ipanganak si Baby Isla. 

Sa unang pagkakataon din ay nagkasama sama ang mga chikiting sa Congpound. 

Daddy Keng on Duty

Super hands on daddy ang peg ngayon ng Team Payaman vlogger na si Boss Keng bilang pag-alalay sa kanyang misis. 

Kwento ni Mrs. Gaspar, sinisikap ni Daddy Keng na gumising ng maaga para siya mismo ang magpapaaraw kay Baby Isla. 

Bagamat may trabaho si Boss Keng ay pinilit muna nitong samahan ang anak sa kanyang unang pagkakataon na makapagpaaraw sa Congpound. 

“Natuwa naman ako sa’yo love kasi may kusa talaga ‘to. Tsaka ayaw niyang umalis pag meron siyang shoot, meron silang event, halos ayaw niyang umalis,” ani Mommy Pat. 

Dagdag pa nito na sa loob ng isang linggo ay tila nakabisado na ni Boss Keng ang pag-aasikaso sa kanilang unico hijo. 

“Parang na-master na ni BK yung pag papalit ng diaper, paglilinis ng pwet, ng pupu, ihi, at pagpapalit ng damit. Good job, daddy!” 

Velasquez Cousins

Samantala, sa unang pagkakataon naman ay nagsama-sama ang mga chikiting sa Congpound upang bisitahin si Baby Isla. 

Sa tulong ng kanilang Lolo Val at Lola Jo ay dinalaw nina Kuya Mavi, Kidlat, at Viela ang kanilang nakababatang pinsan. 

“Ang sarap naman, ang daming babies naman!” ani Pat. 

Tila curious na curious naman ang panganay nina Junnie Boy at Vien Iligan-Velasquez sa mga ginagawa ng sanggol. Sinamahan din nito ang kanyang Tita Pat sa pagbabantay kay Isla. 

“Bakit happy siya sa’kin? Tita Pat, ano yung nasa pusod n’ya?” tanong ni Mavi. 

“Tita Pat, anong sinasabi nya? Bakit may ganito siya?” dagdag pa nito.

Watch the full vlog below: