Matapos ang ligtas na panganganak ni Pat Velasquez-Gaspar sa unico hijo nitong si Baby Isla Patriel ay masaya nila itong inuwi sa Congpound.
Sa kani-kanilang bagong vlog, ipinasilip ng mag-asawang Pat at Boss Keng ang kanilang bagong buhay kasama ang panganay na anak.
Hindi pa man tuluyang nakakauwi sa Congpound ay binisita na ng kanyang mga Tito at Tita si Baby Isla.
Sa kanyang bagong vlog, ipinasilip ni Mommy Pat ang unang pagkakataon na masilayan ng mga kaibigan ang pinakabagong Team Payaman baby.
Unang bumisita ang kanyang Tito Junnie at Tita Vien kasama sina Tita Venice, Tito Kevin, at Tita Clouie na kinumusta ang kalagayan ng bagong mommy.
“First and last baby na namin ‘to!” biro ni Pat kay Vien.
“Sobrang sakit. Talagang ito ang pinakamasakit na naramdaman ko sa buong buhay ko,” dagdag pa nito.
Biro naman ni Kevin Hufan: “At least tirik pa rin ang lashes mo!”
Samantala, kanya kanyang husga naman ang mga tito at tita kung sino nga ba ang tunay na kamukha ni Isla.
“Halo ang ilong! May Pat na Keng,” komento ni Tiyang Venice.
Syempre, hindi rin nagpahuli sina Tito Cocon at Tita Viviys sa pagbisita kay Baby Isla at Mommy Pat.
“Ang bilis ng pangyayari, parang kailan lang nasa tiyan [si Isla],” ani Viy Cortez.
Dagdag pa nito: “Nakakatuwa, ang dami ng bata sa bahay!”
Ilang araw pa ay umuwi na ang pamilya Velasquez-Gaspar sa kanilang munting tahanan, at masaya namang sinalubong ng Team Payaman si Baby Isla.
“Ito na ang simula ng kalbaryo ni Boss Keng” biro ni Pat.
Pagdating sa Congpound ay sinalubong ito ng kanyang mga Tito at Tita pati na rin ang mga pinsan na sina Mavi, Kidlat, at Viela.
“Thank you sa inyo!” ani Mommy Pat.
Watch the full vlog below:
Mas naging masaya at mas makulit ang bagong vlog ni Clouie Dims matapos niyang makasama…
Kilala si Yiv Cortez bilang bunsong kapatid ni Viy Cortez-Velasquez, ngunit lingid sa kaalaman ng…
Ginulat ng Team Payaman vlogger na si Viy Cortez-Velasquez ang mga manonood nang ilabas niya…
Matapos ang ikapitong kaarawan ni Mavi noong Nobyembre, sunod namang ipinagdiwang ng pamilya Iligan-Velasquez ang…
Cuteness overload ang hatid ng anak nina Pat Velasquez-Gaspar at Boss Keng na si Isla…
Ngayong kapaskuhan, muling ipinasilip ng Team Payaman mom na si Vien Iligan-Velasquez ang kanilang taunang…
This website uses cookies.