Namiss n’yo ba ang daily vlogs ng Team Payaman? Kung matatandaan, lalong nakilala ang sikat na vlogger group ng bansa sa kanilang daily vlog upload noong 2020.
Ngayong taon, mapanindigan kaya ng Team Payaman member na si Jaime de Guzman, a.k.a Dudut Lang, ang bago nitong pasabog sa kanyang vlog?
Sa kagustuhang masubukang mag-upload ng kanyang mga vlogs araw-araw, isang bagong segment ang ipinakilala ni Dudut sa kanyang mga manonood sa kanyang bagong vlog.
“Nagsisimula na kasi ako mag daily vlogs eh! Ang naiisip kong konsepto ng daily vlogs ko isang araw, isang tao dito sa Team Payaman,” bungad nito.
Unang naging guest ni Dudut sa kanyang bagong segment ang kaibigan nitong si Aaron Macacua, a.k.a Burong.
“Kasi napapansin ko parang gusto ng tao [ng daily vlogs] kasi wala silang napapanood simula nung nagmotor tayo parang [sabi nila] ‘ay tumigil na sila magvlog!’” paliwanag ni Dudut.
Biro naman ni Burong: “Si Cocon lang naman tumigil mag-upload eh!”
Ayon kay Dudut, nais nitong gawing eksplosibo at ekslusibo ang kanyang bagong vlog segment kung kaya pinangalanan n’ya itong “Ekslusibong Eksplosibong Embutidong Eksposey.”
Dagdag pa nito, ang pinagkaiba niya sa King of Talk na si Boy Abunda ay ang pagsama nito sa kanyang guest saan man ito pumunta.
Kaya naman agad din itong sumama sa lakad ni Burong at sumali sa mga aktibidad na isinagawa nito at ng fiancé nitong si Aki Angulo.
Dali-dali itong sumakay sa sasakyan ni Burong upang sumama sa kanyang lakad kasama si Aki at ilang mga kaibigan nito.
“Boss personal na ‘to boss. Part ng show ‘to boss?” pabirong usisa ni Burong.
Ipinaliwanag naman ni Dudut na parte ng kanyang bagong segment ang pagsama sa buong araw ng kanyang napiling guest.
Pagkatapos bumyahe ay dumeretso na ang mga ito sa kanilang kakainan kasama ang mga ka-opisina ni Aki.
Sinamahan din nito ang dalawa sa kanilang window shopping, at hindi rin nito pinalampas ang kakulitan ni Burong na subukang gayahin ang hairdo ng singer-songwriter na si Taylor Swift na idol ng kanyang fiancé.
Matapos ang kanilang pamamasyal, hindi rin pinalampas ni Dudut na malaman ang naging karanasan ng kanyang guest sa kanilang pilot episode.
“Sir, i-rate n’yo lang kung kamusta ang naging experience n’yo with Dudut…” tanong nito.
Pabirong sagot naman ni Burong: “Masaya naman, Sir! Siguro out of 10, mga 2!”
Watch the full vlog below:
‘Team No Sleep’ pero full support! Ganito sinimulan nina Mommy Vien Iligan-Velasquez at ng buong…
The ‘ber’ months are here, and with Christmas just around the corner, it’s never too…
This year, the most anticipated influencer-gathering event of the year goes beyond the borders of…
Matapos ang kanilang masayang all-girls trip sa Bangkok, Thailand, isa sa mga hinangaan ng netizens…
It has been a silent tradition in the Philippines to treat the ‘Ber Months’ as…
Bilang pagdiriwang ng ika-33 kaarawan ni Boss Keng, ibinahagi ni Pat Velasquez-Gaspar ang kanyang taos-pusong…
This website uses cookies.