Wais na Misis: Abigail Campañano-Hermosada Shares Another Decluttering Hack 

Another day, another decluttering project ang hatid sa atin ng Team Payaman content creator na si Abigail Campañano-Hermosada. 

Sa kanyang bagong vlog, naisipan ng misis ni Kevin Hermosada na ayusin ang isang parte ng kanilang kwarto sa Content Creators House. 

Clutter-free room

Ayon kay Abi, nais nyang gawing mas maaliwalas ang kanilang kwarto kaya naman bumili ito ng aesthetic na sampayan. 

Sa kanyang pag aayos, isang simpleng payo ang ibinahagi nito sa kanyang mga manonood.

“Alam nyo naman medyo maliit lang yung kwarto namin, so kapag may konting kalat medyo makalat na talaga siyang tignan agad,” ani Mrs. Hermosada.

“Sabi nga nila kapag may kalat, kahit konti pa yan ligpitin na natin kasi kapag yan nagpatong-patong, yung konting kalat na yan magiging magulo na syang tignan so hindi natin gusto yun,” dagdag pa nito. 

Pero bago tuluyang mag DIY ng kanyang munting sampayan ay naisipan naman nitong mag multi-task at nagsalang ng kanilang maruruming damit sa washing machine. 

Kwento pa ni Abigail Campañano-Hermosada, bumili na sila ng bagong washing machine na pinaghatian nila ng mga kasama sa Content Creator House upang mas makatipid. 

Habang nakasalang ang labahan ay sinimulan na ni Abi ang kanyang mini-DIY session ng sampayan. 

Tinulungan din si Abi sa kanyang housemate na si Aki Angulo, ang fiance ni Team Payaman vlogger Aaron Macacua, a.k.a Burong.

Matapos ang DIY sesh ay masayang ibinahagi ni Abi ang bagong aesthetic sampayan na nagpaaliwalas sa kanilang kwarto.

Watch the full vlog below:

Likes:
0 0
Views:
395
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *