Bilang pagdiriwang sa pagkamit ng 100,000 subscribers sa YouTube, ipinagluto ni Chef Enn ang kanyang mga kasamahan sa Congpound.
Ibinahagi rin nito ang ilan sa kanyang mga paghahanda bago makamit ang kanyang 100k subscribers milestone.
Sa kanyang bagong vlog, ibinahagi ni Kenneth Silva, a.k.a. Chef Enn, ang ilan sa mga inasikaso nito bago salubungin ang kanyang 100k subscribers count sa kanyang YouTube channel.
Walang pagaatubiling sinamahan ito ni Ate Mercy upang mamili ng mga rekado para sa putaheng ihahanda.
Ayon kay Chef Enn, nais nyang magluto ng masustansyang pagkain na pasok sa budget upang madali rin itong magaya ng kanyang mga manonood.
Pagkatapos mamili ng kanyang mga kakailanganin, napagdesisyunan ni Chef Enn na magluto ng Beef Mechado, Ginisang Gulay, at Ginataang Tulingan bilang parte ng kanyang simpleng handa.
Agad na dumeretso si Chef Enn sa bahay ng bossing nitong si Cong TV upang simulang lutuin ang mga handa nito.
Unang pinrito ni Chef ang tulingan at pagkatapos ay isinangkutsa na ang mga rekado ng lulutuing Mechado.
Binisita rin ng isa pang Team Payaman OG cook na si Marlon Velasquez Sr., a.k.a. Papa Shoutout, si Chef Enn upang silipin ang niluluto nito.
“Parang mabango ‘to ah? Uy ano na naman ‘to? Hi!” pagbati ni Papa Shoutout.
Ayon kay Chef Enn, isa ang ama ni Cong TV sa kanyang mga kasundo pagdating sa pagluluto at siya rin ang isa sa kanyang mga solid na taga-suporta.
Pagkatapos magluto, isa-isang binigyan ni Chef Enn ang mga bahay sa Congpound ng kanyang handa upang matikman nila ito.
Una niyang binigyan ang pamilya nina Junnie Boy na sinundan ng pamilya nina Boss Keng at Pat, na kanya ring sinabayan na sa pananghalian.
Bago tapusin ang kanyang vlog, muling nagpasalamat ang resident chef ng Team Payaman sa kanyang mga taga-panood sa patuloy na suporta ng mga ito.
“Maraming salamat muli sa lahat ng sumusuporta! Mag-iingat kayo palagi d’yan!” aniya.
Watch the full vlog below:
Sa mga nagdaang episode ng “Kaya Mo Ba Burs,” ipinamalas ni Aaron Macacua, o mas…
Who would’ve thought that the country’s biggest vlogger group, Team Payaman, would now be part…
Indeed, there is no time to fret in this scorching heat! Good thing loyal customers…
Dalawang taon matapos ikasal noong taong 2022, ipinagdiwang ng mag-asawang Junnie Boy at Vien Iligan-Velasquez…
Sa nagdaang vlog ni Cong TV, ibinida ang hangarin ni Kevin Cancamo o mas kilalang…
Calling all Mobile Legends players! Do you want to win instant Mobile Legends Diamonds? You…
This website uses cookies.