Clouie Dims Surprises Dudut With a Quick Getaway After Tiring Vietnam Trip

Matapos ang sunod-sunod na trabaho, naisipan ni Team Payaman vlogger Clouie Dims na surpresahin ang kanyang longtime boyfriend na si Jaime de Guzman, a.k.a Dudut Lang. 

Sa kanyang bagong vlog, ipinasilip ng Team Payaman Wild Cat kung paano nito binigyan ng much needed rest and relaxation trip ang kanyang butihing nobyo. 

The surprise

“Ang sasabihin ko na lang ay magla-lunch kami sa labas pero hindi niya alam meron akong balak,” iyan ang bungad ni Clouie Dims sa kanyang vlog sa planong surpresa para kay Dudut Lang

Agad na ginising ni Clouie ang nobyo na walang kamalay malay kung saan sila pupunta. Lingid sa kaalaman ni Dudut, bago pa man umalis ay nakapag book na ang kanyang nobya ng isang staycation villa at nag-impake na rin ang kanyang mga gamit. 

Paliwanag ni Clouie, naisipan niyang isurpresa si Dudut matapos ang matinding trabahong pinagdaanan sa pagsali sa isang reality show sa Vietnam.

“Araw-araw habang nandoon siya, sabi niya gusto niyang mag-rest pag-uwi. Talagang pagod siya, pagod siya doon sa mga shoot na ginawa nila doon sa Vietnam,” ani Clouie Dims

Kasama ang kanilang alagang French Bulldog na si Bruno, bumiyahe sila patungo sa “My Cabin by Selah” sa Bustos, Bulacan. 

Monthsary adventure

Pagdating sa kanilang staycation spot, isang magandang resort ang sumalubong sa kanila na ikinatuwa naman ni Dudut. 

Kasabay ng nasabing surpresa ay ang month anniversary ng dalawa na anila ay hindi na nila gaanong kadalas na ipagdiwang. Halos maiyak naman si Dudut sa surpresa ng kanyang nobya. 

“Naiiyak ako, kasi napagod talaga ako doon sa Vietnam!” ani Dudut. 

“Deserve mo naman!” sagot naman ni Clouie. 

Matapos ang kaunting pahinga ay nagsalo naman ang dalawa sa hapunan kung saan napag usapan nila ang kanilang tipikal na ginagawa sa tuwing magbabakasyon o outing. 

At syempre, hindi rin pinalampas nina Clouie at Dudut ang mag swimming sa kanilang private pool. 

Watch the full vlog below:

Likes:
0 0
Views:
823
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *