Sumikat ang OG Team Payaman vlogger na si Pau Sepagan, o mas kilala bilang Roger Raker sa mga klasik nitong YouTube vlogs na itinuturing ng mga netizens ay simple at natural. Ngunit, hindi inaasahang pansamantala itong nahinto sa paggawa ng vlogs ng ilang taon.
Makalipas ang higit dalawang taon, muling nagbukas ang panibagong yugto para sa mga bagong YouTube vlogs na dapat abangan sa YouTube Channel ni Roger Raker.
Sa unang bahagi ng bagong YouTube vlog ni Roger Raker, kapansin pansin na tila naninibago ngunit masaya ito sa muling pagharap sa camera.
Sinimulan niya ang kanyang vlog sa pagbati at pangungumusta sa mga taong matagal nang sumusuporta at naghintay sa kanya.
“Bago ang lahat, kumusta kayo? Sana okay lang kayo at sana masaya kayo sa buhay niyo,” ani Roger.
Inamin ng batikang vlogger na sa nakalipas na dalawang taon ay tila mas naging aktibo ang kanyang pagiging Pau Sepagan na madalas ay na nasa likod ng camera.
“Pero guys, namiss ko ah! Namiss kong magsalita sa harap ng camera dahil madalas nasa likod ako ng camera,” paliwanag nito.
Iginiit din ni Roger Raker na lubos siyang nahihirapan sa pag-iisip ng mga bagong content na ibabahagi sa kanyang mga manonood.
Iniiwasan din aniya nitong magbitaw ng pangako na magpapatuloy ang kanyang pagbabalik sa YouTube dahil baka hindi naman niya ito mapapanindigan.
“Ayoko nang sabihing comeback guys eh! Kasi lagi na lang ako comeback ng comeback,” natatawang dagdag nito.
Ayon kay Roger Raker, natagalan ang kanyang pagbabalik sa YouTube dahil nabinbin ang kanyang mga ideya na nais ibahagi sa pamamagitan ng vlogging.
Siniguro naman nito na muli niyang sisimulang mag-upload ng kahit anong YouTube content at ipinangakong babawi sa mga susunod na araw.
“Naisip ko na mag-upload na lang ng kahit ano ngayon at hayaan niyo kong bumawi sa mga susunod na araw. Sana mapanindigan!”
Ipinangako rin ni Roger na gagawin niya ang lahat sa abot ng kanyang makakaya upang muling makapaghatid ng magagandang content para sa kanyang mga tagasubaybay.
Watch the full vlog below:
Sa kanyang bagong YouTube vlog, ipinaliwanag ng vlogger at TP Friends na si Dr. Alvin…
Bago sumapit ang Disyembre, nakasanayan na ng maraming pamilya ang maglinis, mag-ayos, at maghanda ng…
Isa sa mga gumulat sa mga taga-suporta ng Team Payaman ay ang halos sabay na…
Love is indeed sweeter the second time around. Vlogger and VIYLine Cosmetics girl boss, Viy…
Puno ng tawanan at kulitan ang bagong vlog ni Mommy Vien Iligan-Velasquez, kung saan kasama…
Isa sa mga hinahangaang miyembro ng Team Payaman si Aaron Macacua, na mas kilala bilang…
This website uses cookies.