Panibagong araw, panibagong “ride vlog” na naman ang hatid ng Team Payaman boys na talaga namang nawiwili sa kani-kanilang motorsiklo.
Sa bagong vlog ni Aaron Macacua, a.k.a Burong, dinala nito ang kanyang mga manonood sa isang normal night ride kasama ang Team Payaman Moto Club.
Sa YouTube video na pinamagatang “Kalimot,” ipinasilip ni Burong ang isang chill ride kasama ang mga kaibigan.
Inumpisahan ng grupo ang kanilang paglalakbay sa isang mataimtim na dasal upang humingi ng gabay sa kanilang biyahe.
“Nawa Lord kayo po ang magmaneho at alisin nyo po ang yabang sa bawat isa sa amin,” ani Burong na syang namumuno sa pagdarasal.
Hiniling din nito sa Panginoon na gabayan at panatilihing ligtas ang kanilang mga mahal sa buhay na naiwan sa bahay.
Samantala, dahil hindi kasama si Team Payaman Moto Club Chairman Cong TV sa nasabing biyahe, si Burong muna ang nagsilbing pinuno ng grupo.
“Habang wala si Bossing, ako muna si Motoburs na gagabay sa inyo sa biyaheng ito,” dagdag pa ni Burong.
Sa nasabing vlog, kitang-kita kung paano gabayan ni Burong ang kanyang mga kasamahan. Sa pamamagitan ng kanilang intercom, agad inaabisuhan ni Burong ang mga ito sa tuwing may nakaambang balakid sa kalsada gaya ng lubak, aso, o di kaya ay sasakyan.
Layunin din ng nasabing paglalakbay ang dalawin si Team Payaman member Pau Sepagan, a.k.a Roger Raker.
Matapos ang kamustahan kasama si Roger, nag stopover ang grupo upang kumain kung saan hindi nawala ang asaran at biruan.
Kinabukasan, muling naglakbay ang grupo at sa pagkakataong ito ay kasama na nila si Cong TV.
Madaling araw pa lang ay hinanda na ni Burong ang kanyang mga gamit na kakailanganin sa nasabing biyahe.
Naglabas din ito ng saloobin ukol sa madalas nilang pagbiyahe na tila ikinapapamahak na ni Burong sa kanyang fiance na si Aki Angulo.
“Par, ano bang meron, par? Ba’t ganitong oras tayo lagi naalis, par? Madaling araw. Ano bang gusto nyong mangyari, palayasin ako?” biro ni Burong.
Watch the full vlog below:
Kasunod ng mga matagumpay nitong mga aktibidad, muling nagbabalik ang TP Kids upang maghatid…
As Pickleball continues to gain momentum as one of the fastest-rising sports in the Philippines,…
Nilinaw ng Team Payaman vlogger na si Vien Iligan-Velasquez ang kalagayan ng kalusugan ng asawang…
Kasunod ng muling paglabas ni Kuya Inday sa Team Payaman, tampok siya sa pinakabagong vlog…
Isang ‘TV’ prank ang hatid ni Cong TV sa asawa niyang si Viy Cortez-Velasquez na…
Isang bagong yugto sa pickleball journey ni Boss Keng ang nasaksihan ng kanyang mga manonood…
This website uses cookies.