Team Payaman Boys Rider Era? Pat Velasquez-Gaspar Reveals Wild Dogs’ New Hobby

Naging usap-usapan sa social media ang nakakatawang Facebook posts ni Team Payaman vlogger Pat Velasquez-Gaspar matapos isiwalat ang bagong pinagkakaabalahan ng Team Payaman boys, kasama ang kanyang mister na si Boss Keng. 

Bukod sa vlogging, nahuhumaling na rin aniya ngayon ang mga Wild Dogs sa pamamasyal gamit kani-kanilang mga motorsiklo.

TP Rider Era

Kamakailan lang ay nagtungo sina Boss Keng, Cong TV,  Michael “Mentos” Magnata, Limuel, at Adam Nieva sa Batangas gamit ang kanilang mga big bike. Bukod sa pamamasyal ay dinayo na rin ng mga ito ang probinsya upang makakain ng lehitimong Lomi mula sa Batangas.

Kaya naman, isiniwalat ni Pat Velasquez-Gaspar na nahihilig na ang asawa nitong si Boss Keng sa pamamasyal gamit ang bagong bili nitong big bike.

“At nagsibilihan na po sila ng big bike! Yung asawa ko nakatambay na lagi sa garahe pagkadilat ng mata, tinititigan lang niya itong bago niyang motor. Nagpapa angasan sila ng mga big bike doon sa garahe namin,” ani Pat sa isang Facebook post.

“Masaya ako for you! Pero ginagamit niya si Isla card para pumayag ako umalis siya ng alanganing oras, para siyang delivery rider na rumuruta pa Batangas at Tagaytay,” dagdag pa nito. 

Ayon naman kay Boss Keng, huling beses naman na raw ito dahil hindi na ito makaka-ride sa oras na dumating na ang kanilang Baby Isla.

Bukod kay Boss Keng, ibinida rin ni Pat ang “rider era” ng tatay nitong si Marlon Velasquez, a.k.a Papa Shoutout. 

Pinagkatuwaan ng Velasquez siblings ang naging tugon ng kanilang Mommy Jo kaugnay sa Facebook post ni Papa Shoutout na nanghihikayat mag ride. 

Venice Velasquez: “Ano pong masasabi n’yo sa iyong kabiyak na maglo-longride sa holy week?”

Jovel Velasquez: “Hay naku! Subukan n’ya! Dalhin ko sa kalakal yang motor n’ya!” 

Netizens’ Reactions

Hindi naman napigilan ng mga netizens na maaliw at ipahatid ang kanilang nakakatuwang mga reaksyon sa bagong hobby ng TP Wild Dogs.

Chloey Marri: “Buti po abot ni boss keng (yung motor)?”

Rose Fajardo: “Ganda niyan, magkano kaya inabot nito? bagong labas yan e!”

Madette Polo: “Hahaha narinig ko narin yan ‘last na toh pagnakalabas na si baby di ko na magagawa toh’”

Jolina Pagaling: “Mukang mag-lolong ride sa kalakal yan papa shawarawt!”

Saan nga ba hahantong ang rider era ng Team Payaman boys? Abangan ang iba pang mga kaganapan sa likod ng kanilang bagong hobby.

Yenny Certeza

Recent Posts

Team Cortez-Velasquez Welcomes Tokyo Athena To The Family

Baby Tokyo Athena is finally here! March 30, 2025, sa ganap na 1:00 ng hapon,…

1 hour ago

Achieve Clean Girl Makeup The Vien Iligan-Velasquez Way

Isa ngayon ang Team Payaman vlogger na si Vien Iligan-Velasquez sa mga hinahangaan ng netizens…

1 day ago

Summer-Ready Shades: Get That Sun-Kissed Glow with Viyline Cosmetics TP Tints

The summer season is here, and you know what that means—long days under the sun,…

1 day ago

Know How Las Piñas Beybladers X Reimagines Beyblading in 2025

Kamakailan, naging matagumpay ang kauna-unahang ‘Talpukan Tournament’ ng Las Piñas Beybladers X sa Robinsons Las…

2 days ago

Viy Cortez Velasquez Humbly Addresses Concerns About Viyline Skincare ‘Sunshade’

A few hours after its release in the market, Viyline Skincare Sunshade, a tinted sunscreen,…

2 days ago

Vien Iligan-Velasquez Champions Confidence Amidst Battle with Hormonal Acne

Aside from the intense heat and sweat the summer season brings, it also sets the…

3 days ago

This website uses cookies.