Bilang pakikiisa sa Team Payaman Fair, isang silog meal business ang sinimulang buksan ng Team Payaman Wild Dog na si Carlos Magnata, a.k.a Bok.
Ibinahagi ngayon ni Bok ang kanyang naging paghahanda para sa bagong business venture na talaga namang pinilahan sa nagdaang TP Fair.
“Syempre hindi ako magpapahuli! Magbu-business rin ako!” panimula ni Bok.
Sa kanyang vlog, ibinahagi ni Bok ang kanyang bagong pinagkakaabalahang negosyo na una na niyang ipina taste test sa kanyang mga kasamahan sa Congpound.
Sa tulong ni Dudut Lang, unti-unti sinimulan nila Bok ang mga recipe na ihahain sa menu ng Boksilog.
Bukod sa bacsilog (bacon, sinangag, at itlog), isa rin ang hungarian sausage, longganisa, at nuggets sa mga isinama nito sa kanyang menu.
Unang pinatikim ni Bok ang kanyang mga paninda kina Pat Velasquez-Gaspar at Boss Keng na dumayo pa mula sa kanilang bahay.
“Ang crunchy [nung nuggets]. Ang sarap! Ang sarap ‘nung food! Kapag sinamahan mo nito [Boksilog chili sauce], mas masarap!” reaksyon ni Pat.
“Ang sarap! Panalo!” ani Boss Keng.
Matapos ipatikim sa mag-asawang PatEng, isang batch muli ang inihanda nina Bok at Dudut para naman sa iba pa nilang mga kasamahan sa Congpound.
“Lahat sila hindi masarap… Kasi sobrang sarap!” inisyal na reaksyon ni Burong.
Nitong nagdaang March 8-12, isa si Bok sa mga Team Payaman members na nagbukas ng kaniyang sariling food business.
Matapos ang paghahanda nito sa Congpound, taas noong sumabak ang TP Wild Dog sa Team Payaman Fair upang inalok ang kanyang silog meal business.
“Nung nakita namin ‘yung Boksilog, sure na oorder na [kami]!” kwento ng isang taga-suporta.
“Ang sarap ng Boksilog! Lalo na yung Chili Con Rice!” ayon naman sa isang customer.
Ayon naman sa former Goin’ Bulilit star na si Jairus Aquino: “Bumili ako ng hungarian, bumili ako ng bacon. Guys tikman n’yo! Sobrang solid!”
Ang Boksilog ay pinilahan sa TP Fair hindi lang ng mga fans kundi maging kapwa Team Payaman members nito.
“Dahil pinakita n’yo yung suporta nyo sa Boksilog, paghuhusayan ko pa!” pasasalamat ni Bok.
Watch the full vlog below:
Mas naging masaya at mas makulit ang bagong vlog ni Clouie Dims matapos niyang makasama…
Kilala si Yiv Cortez bilang bunsong kapatid ni Viy Cortez-Velasquez, ngunit lingid sa kaalaman ng…
Ginulat ng Team Payaman vlogger na si Viy Cortez-Velasquez ang mga manonood nang ilabas niya…
Matapos ang ikapitong kaarawan ni Mavi noong Nobyembre, sunod namang ipinagdiwang ng pamilya Iligan-Velasquez ang…
Cuteness overload ang hatid ng anak nina Pat Velasquez-Gaspar at Boss Keng na si Isla…
Ngayong kapaskuhan, muling ipinasilip ng Team Payaman mom na si Vien Iligan-Velasquez ang kanilang taunang…
This website uses cookies.