Ilang linggo bago tuluyang isilang ni Vien Iligan-Velasquez ang ikalawang supling nila ni Junnie Boy, isang simpleng baby shower ang inihanda ng Team Payaman bilang pagsalubong kay Baby Alona Viela Velasquez.
Sa kanyang bagong vlog, ibinahagi ng 25-anyos na YouTube content creator ang ilan sa mga kaganapan sa likod ng surprise baby shower na ginanap kamakailan lang sa Wagyuniku by Pat & Keng sa BF Aguirre, Parañaque City.
Upang iparamdam kina Mommy Vien at Daddy Junnie ang kanilang excitement sa pagdating ni Baby Viela, isang surprise baby shower ang inorganisa ng Team Payaman sa pamumuno ni Pat Velasquez-Gaspar.
Ayon kay Pat, sinadya nilang i-reserve ang Wagyuniku BF Aguirre branch upang magbigay daan sa munting surpresa kay Vien.
Pagdating sa nasabing Japanese-Korean BBQ Grill restaurant, hindi napigilan ni Mommy Vien na maging emosyonal sa surpresa sa kanya.
Bukod sa buong Team Payaman, present din sa nasabing okasyon ang mga college bestfriends ni Vien at kanilang kamag anak mula sa Velasquez at Iligan family.
Syempre hindi kumpleto ang baby shower party kung walang kwelang games na sinalihan ng ilang Team Payaman members.
Una na rito ang charades kung saan itinanghal na kampeon sina Pat at Viy Cortez matapos mahulaan ang salitang “baby girl.”
Hindi naman nagpahuli ang mag-asawang Junnie Boy at Vien Iligan-Velasquez na nahulaan ang salitang “breastfeed” sa loob lang ng tatlong segundo.
Samantala, nagkaroon naman ng gift unboxing si Mommy Vien kung saan nakatanggap ito ng mga regalo gaya ng baby blanket, baby clothes, baby booties, nursing pillow, feeding set, at iba pa.
Labis naman ang naging pasasalamat ni Mommy Vien sa surpresang hatid sa kanya ng Team Payaman.
“Thank you po sa inyong lahat. Sa mga nagbigay ng regalo at sa mga nagpunta dito sa surprise baby shower,” ani Mommy Vien.
Biro naman ni Junnie: “So babawi kami sa baby shower nila Pat-Pat (Pat Velasquez-Gaspar), doon naman tayo Pay-a-Wash (laundry shop)! Pili na lang kayo, sa Pay-A-Wash o sa Be Rich (water station)!”
Watch the full vlog below:
Matapos ang mahigit 18 taon ng pagsusuot ng salamin, ibinahagi ng Team Payaman member na…
Isang makabuluhan at masayang araw ang pinagsaluhan ng buong pamilya ng Viyline Group of Companies…
Isang masayang roadtrip vlog ang hatid ng Team Payaman vlogger na si Burong kasama sina…
Excited na ibinahagi ng Team Payaman vlogger na si Viy Cortez-Velasquez ang mga tagpo sa…
Muling ibinahagi ng Team Payaman next-gen vlogger na si Kevin Cancamo ang mga tagpo sa…
Game na game na nakiisa ang mag-asawang Zeinab at Ray sa kakaibang trip na hatid…
This website uses cookies.