Viy Cortez Proudly Shows Off Postpartum Belly, Teases Possible Stretch Mark Product Under VIYLine Skincare

Walang takot na ibinalandra ni YouTube content creator Viy Cortez ang kanyang postpartum belly, tatlong buwan matapos isilang ang panganay nila ng longtime boyfriend na si Cong TV. 

Matatandaang hindi ito ang unang beses na matapang na ipinakita ng 26-anyos na vlogger ang mga pagbabago sa kanyang katawan dala ng pagbubuntis kay Baby Zeus Emmanuel Cortez Velasquez, a.k.a Kidlat. 

Bago pa isilang si Kidlat noong July 5, 2022, ibinahagi ni Viviys ang pag-itim ng kanyang kili-kili at leeg, pati na rin ang pagkakaroon ng stretch marks. 

Sa panibagong pagkakataon, muling pinakita ni Viy ang mga natural na pagbabago sa katawan ng isang ganap na ina. 

Anti-stretch marks VIYLine Skincare product?

Sa isang Facebook post, ibinandera ni Viy Cortez ang itsura ng kanyang tiyan tatlong buwan matapos ipanganak si Baby Kidlat.

“Ito ang tiyan ko ngayong pagkapanganak ko,” ani Viviys, kalakip ang isang selfie kung saang kitang-kita ang kanyang mga stretch marks. 

Paliwanag ng first-time mom, mayroon syang ilalabas na bagong produkto para matulungan ang mga mommies tulad nya para kahit papaano ay mabawasan ang bakas ng stretch marks. 

Pero ayon kay Viy, hindi nya pa ito mailabas sa publiko dahil hindi pa napapatunayan kung epektibo ba nito sa kanya. 

“‘Di ko pa mailabas dahil hindi naman tumatalab sakin. Kaya pinapabago ko ng pinapabago ang formulation hanggang sa mag work na sakin,” ani ng VIYLine CEO. 

“Napaka tagal ko mag labas dahil kung di naman eepek sakin bakit ko ibebenta,” dagdag pa nito. 

Paliwanag pa ni Viy Cortez, alam nyang hindi na tuluyang mawawala ang stretch marks sa balat maliban na lang kung ipagawa ito sa mga dermatological clinic. Pero meron aniyang mga produkto na makakatulong upang mag-lighten ang tinatawag ng karamihan na “kamot.”

“Sa mga nagsasabi po na kusa siya mag la-light opo, gusto ko lang pabilisin kaya nag papagawa ako ng magandang produkto,” dagdag pa nito. 

Mga pasabog ng VIYLine, abangan!

Bukod sa posibleng anti-stretch marks na produkto ng VIYLine Skincare, inamin din ni Viy Cortez na marami pa siyang ilalabas na produktong tiyak na makakatulong para magkaroon tayo ng young and healthy glowing skin. 

Hinikayat din ni Viviys ang mga nais magsimula ng negosyo na maging parte ng VIYLine Skincare at maging isa sa mga reseller nito. 

“Sa lahat ng mag e-entry bilang distributor samin simula ngayon hanggang 10.10 may free 5k worth kayo ng products. PM  lang ang VIYLine Skincare page na ito mga viviys.”

RELATED POST: LOOK: Viy Cortez Proudly Flaunts Pregnancy Stretch Marks