Kamakailan lang ay ibinahagi ng Team Payaman editor-turned-vlogger na si Steve Wijayawickrama ang kanyang naging karanasan papuntang Japan.
Sa kabila ng mga pagsubok bago makaalis ng bansa ay taas noo pa ring naghandog ng kakiaibang travel vlog series ang 24-anyos na Filipino-Sri Lankan vlogger.
Hindi lang pang-Pilipinas ang Team Payaman dahil umabot na ngayon sa The Land of the Rising Sun ang kwelang vlog ng nasabing grupo sa pamamagitan ni Steve Wijayawickrama.
Sa kanyang bagong vlog, excited na ibinahagi ng dating editor ni Cong TV ang kanyang Japan Adventure na mas gumanda dahil sa kanyang creative editing skills na siyang hinangaan ng mga manonood.
Hindi nag-iisa si Steve dahil kasama nya sa kanyang paglalakbay sa Japan ang kapatid nito na nawalay sa kanya ng mahabang panahon.
Sinama ni Steve ang kanyang mga manonood sa isang virtual city tour, kung saan itinuturo nito ang ilan sa mga nakakamanghang paniniwala at kultura ng Japan, kasama na rito ang pagbati sa mga nakakasalamuha at tamang pagtawid sa kalsada.
Bukod sa kanyang kapatid, kasama rin ni Steve ang ubod na cute nitong pinsan na si Hiro na siya ring nagbibigay kasiyahan sa kanilang tahanan dahil sa angking kulit nito.
“Sinigang, adobo, tilapia, at tsaka pakbet!” sagot ni Hiro matapos itong tanungin ng kanyang Tito Steve kung ano ang mga alam nitong lutong Pinoy.
Matapos ang kulitan, nagtungo naman sina Steve kasama ang pamilya, sa kilalang kainan sa kanilang lugar, ang Coco Curry House, upang lubos pang maramdaman ang Japan Vibe Adventure.
Kasabay ng masarap na kwentuhan ay ang masarap na putaheng gawa mismo sa Japan na siya ring ibinahagi ni Steve sa kanyang vlog.
Matapos ang kainan ay nagtungo ang Wijayawickrama family sa isang amusement park upang matunghayan ang mga buwis-buhay na mga rides na siyang ikinatuwa ng pinsan nitong si Hiro.
Naging instant photoshoot na rin ang kanilang pagpasyal na siyang nagsilbing bonding nila ng kanyang kapatid at mga pinsan.
Sundan pa ang mga susunod na episode sa Japan Series ni Steve Wijayawickrama sa kanyang opisyal na YouTube channel!
Watch the full vlog below:
Whether you're heading to the pickleball court, squeezing in a quick workout, or simply embracing…
As more consumers look for convenient ways to prepare their daily cup of green tea,…
Isang kwelang Kitchen Wars serye episode ang hatid ni Viy Cortez-Velasquez kasama ang PBB Gen…
Fresh-smelling hair, softer strands, and easier wash days—these are just some of the things parents…
The Viyline Group of Companies extends its warmest congratulations to the Baao Children and Youth…
May hatid na pasilip ang former Team Payaman editor na si Agabus Maza sa kanyang…
This website uses cookies.