‘Dudut Lang’ Tours Singapore with Manny Pacquiao’s Son?

Muling pinasilip ni Dudut Lang ng Team Payaman ang kanyang adventures sa Singapore. Sa kanyang nakaraang vlog ay turista ang peg ng nag-iisang Jaime De Guzman, pero ngayon tila “business as usual” ang pakay ng vlogger-turned-music artist ng tropa. 

Bukod naman sa kaibigan at music partner na si Matthiaos, bida rin sa bagong vlog ni Dudut ang anak ni Pambansang Kamao at Senador Manny Pacquiao na si Michael Pacquiao. 

Ano kaya ang pakay ng grupo sa Singapore? Ating alamin kasama ang VIYLine Media Group (VMG).

Dudut Goes to Spotify Singapore

Bago tuluyang makarating sa opisina ng Spotify sa Singapore ay pinakita ni Dudut ang kanilang travel journey sa tinaguriang “Lion City of Asia.” 

Ito kasi ang unang beses na sasakay sa pampublikong transportasyon si Michael Pacquiao kung kaya hindi pinalampas ni Dudut ang pagkakataon na biruin ito.

Aminado naman ang anak nina Senator Pacquiao at Jinkee Pacquiao na kabado syang bumiyahe, pero tila nakampante ito kasama sina Dudut at Matthaios. 

Pagdating sa Spotify Singapore ay nilibot ng grupo ang kanilang state-of-the-art na opisina. Dito nakita ni Dudut ang isang sign na bumibida sa “Payaman Insider” podcast ng kapwa Team Payaman members na sina Junnie Boy, Boss Keng, Burong, at Tier One CEO Tryke Gutierrez. 

Pinasyalan din nila Dudut ang opisina ng YouTube at Google sa naturang bansa.  

Samantala, sa kanilang libreng oras ay pumunta naman ang tropa sa Madame Tussauds – isang sikat a wax museum sa Sentosa, kung saan makikita rin ang wax figure ni 2018 Miss Universe Catriona Gray.

Kabilang sa mga wax figure na nakita ni Dudut ay ang mga kilalang action stars na sina Bruce Lee at Jackie Chan at maging ang sikat na Chinese basketball star na si Yao Ming.  

Realizations

Bago bumalik ng Pilipinas ay hindi nakalimutan ni Dudut na bilhan ng pasalubong ang kanyang pamilya at mga kaibigan sa Payamansion. 

Habang papunta sa pamilihan ay ibinahagi ni Dudut na totoo ang katagang “first impression never last,” dahil napatunayan nyang mali ang una niyang tingin sa mga Singaporeans.

“Akala ko masusungit talaga sila. Pero na-realize ko pag kinausap mo sila, ang babait nilang kausap at ang tatalino,” ani Dudut. 

“Ang obserbasyon ko, hindi sila masusungit. Sadyang mababa lang yung social skills nila, yun ba tawag dun? Parang mahiyain sila, pero pag kinausap mo sila ang bilis nilang patawanin,” dagdag pa nito. 

Watch the full vlog below:

Likes:
0 0
Views:
745
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *