VIYLine TikTok Shop ni Viy Cortez, Pumalo ng 3,5k Orders!

Binaha ng libu-libong orders ang TikTok shop ni Viy Cortez matapos itong mag live selling ng VIYLine Cosmetics products kamakailan lang. 

Hindi pinalagpas ng mga Viviys at Team Payaman fans ang pagkakataon dahil bagsak presyo rin ang VIYLine products sa TikTok nitong nakaraang Huwebes, June 30, 2022.

Maaga palang ay inanunsyo na ng 25-anyos YouTube content creator ang kanyang live payday sale sa TikTok kaya naman inabangan ito ng lahat. 

Tara, samahan nyo kami sa VIYLine Media Group (VMG) at pagkwentuhan natin ang mga kaganapan sa record-breaking live selling session ng VIYLine. 

TikTok Shop Sale

Dakong alas-nwebe ng gabi nang mag simula ang live selling ni Viy Cortez sa kanyang official TikTok account with over 4.4 million followers.

Game na game na pinakita ng soon-to-be mommy ang iba’t-ibang shade ng lip tints at lipstick na kinagiliwan ng higit 9,500 viewers ng gabing iyon.

Dahil sa free shipping voucher at over Php 55 discount sa lahat ng produkto ay pumalo sa higit 3,500 ang orders mula sa nasabing live selling. Wow! 

Order Update

Kinabukasan work work work pa rin si buntis habang hinihintay ang paglabas ng kanilang unico hijo ni Cong TV.

Sa isang Instagram Story post, binahagi ni Viviys ang pag-aayos sa orders mula sa nasabing live selling. Pinost din nito ang sangkatutak na orders na babalutin ng VIYLine girls para agad ma-ship sa mga suking customers. 

Makikita rin sa IG stories ni Kha-Kha Villes – sales manager ng VIYLine, kung gaano kakapal ang mga waybills ng orders from Viy’s TikTok live. 

Samantala sa isang Facebook post, muling pinasalamantan ni Viy Cortez ang mga patuloy na tumatangkilik sa VIYLine products. 

“Ang ganda naman ng unang araw ng birth month namin ni Kidlat. Maraming salamat sa walang sawang pagbili araw araw mga Viviys!”