Sa gitna ng pagdadalamhati matapos ang pagkawala ng kanilang inaasahang anak, nagpahayag ng pasasalamat ang Team Payaman member na si Kha Kha Villes sa mga taong naging sandigan niya sa isa sa pinakamahirap na yugto ng kanyang buhay.
Sa isang Facebook post, pinasalamatan ni Kha Kha ang mga kaibigan at kapwa miyembro ng Team Payaman na agad nagpaabot ng suporta, panalangin, at pagdamay matapos niyang ibahagi ang kanyang pinagdaraanan.
Makikita sa kanyang post ang mga mensahe ng pag-aalala mula kina Cong TV, Viy Cortez-Velasquez, Vien Iligan-Velasquez, at iba pang miyembro ng Team Payaman, na nagbigay sa kanya ng lakas ng loob at nagpabatid na hindi siya nag-iisa.
“Salamat, Lord, sa mga taong ‘to na palaging nandiyan para sa akin. Sa panahon na hindi ko alam kung paano ko kakayanin, sila ‘yung patuloy na nag-aalala, nagdarasal, at nagpaparamdam na hindi ako nag-iisa. Thank You, Lord, for giving me these people,” ani Kha Kha.
Naglaan din si Kha Kha ng espesyal na pasasalamat kina Cong TV at Viy Cortez-Velasquez para sa suportang ibinigay ng mag-asawa sa kanya.
“Gusto ko lang magpasalamat sa mag-asawang Viy Cortez-Velasquez at Cong TV. Hindi ko alam paano ko kayo pasasalamatan, pero alam ni Lord kung gaano kabuti ang puso n’yo at kung gaano kalaking support ang binigay n’yo sa akin financially,” pahayag niya.
Samantala, marami ring netizens ang nagpaabot ng panalangin, pakikiramay, at mga mensahe ng suporta para kay Kha Kha at sa kanyang pamilya.
Cheng Reign: “Virtual hug, Ate kha. Alam ko ‘yung feeling na mawalan ng baby, kapit lang tayo kay Lord at mag tiwala sa Kanya. Ibabalik niya din si baby sayo in the right time.”
Ang AryAn: “Praying for the three of you, Ate Kha. Hugs!”
Cheng Invina: “You are blessed with those people around you. Keep fighting, Kha. Maybe it’s not yet the time but I’m sure in God’s perfect time, ibabalik Niya sayo ‘yan! ‘Yung mas strong and ready ka na. God bless you!”
Sa unang episode ng CARTFUN, nakasama ni Viy ang aktres na si Julia Montes para…
Seeing children bring their imagination to life can make family moments even more meaningful, especially…
Team Payaman's very own Boss Keng celebrates another milestone as his official pickleball team, Alfonso…
Sa kaniyang pinakabagong vlog, nagbigay si Bok ng masayang pasilip sa pagsisimula ng kaniyang Pickleball…
With excitement building for one of the biggest events this holiday season, Team Payaman Fair…
CIELO Girls have more reasons to get excited this December as CIELO brings back its…
This website uses cookies.