Naghatid ng ngiti sa mga tagapanood ang munting sandaling ibinahagi ng Team Payaman mom na si Viy Cortez-Velasquez kasama ang kanyang bunsong anak na si Tokyo Athena.
Sa kanyang Facebook post, masisilayan ang simpleng lambing ng isang ina para sa anak na agad namang umantig sa puso ng netizens.
Mother-Daughter Bonding
Kamakailan, ibinahagi ni Viy Cortez-Velasquez sa isang Facebook post ang isang payak ngunit makabuluhang sandali kasama ang kanilang bunso na si Tokyo Athena bilang sulyap sa kanyang buhay pamilya.
Sa naturang video, makikita si Mommy Viy na nasa kanilang sala habang aliw na aliw sa pakikipaglaro kay Baby Tokyo, kung saan sinusubukan niyang aliwin ang anak sa pamamagitan ng paglalambing at tila pagtatangkang kilitiin ito.
Kalakip ng video ang caption na “Almost forgot this is the whole point,” na nagbigay-diin sa kahalagahan ng ganitong mga sandali.
Bagama’t maiksi ang video, malinaw na ipinapakita nito ang pagiging hands-on ni Mommy Viy bilang ina. Sa kabila ng kanyang abalang schedule bilang content creator at negosyante, nakikita ng publiko na binibigyan niya ng oras at atensyon ang kanyang mga anak.
Netizens’ Comments
Samantala, agad nakatanggap ng atensyon ang maikling video mula sa mga tagahanga na natuwa sa taos-pusong bonding moment ng mag-ina.
Jam ILah: “It was just a dream before.”
Sabby Maruhom: “The best feeling talaga ‘yung ganito na ka-bonding mo anak mo. Isang ngiti at kiss lang tanggal lahat ng pagod at sakit.”
Gerrica Labayne: “Swerte nila sa’yo, ma’am Viy Cortez-Velasquez!”
Marnie Magallanes: “Moments like these truly make life worth living, enjoy every moment!”
Aurora Carpena Mateo: “Precious moments are the best.”
