Cuteness overload ang hatid ni Kidlat sa kanyang Spidey-soccer training na ibinahagi ng Team Payaman mom na si Viy Cortez-Velasquez.
Tunghayan ang kwento sa likod ng Spidey-Kidlat habang masigasig siyang nagsasanay sa paglalaro ng soccer.
Kidlat’s Soccer Training
Sa isang Facebook post, ibinahagi ni Viy Cortez-Velasquez ang isang nakakatuwang kwento sa likod ng isang training session ng kanyang panganay na si Zeus Emmanuel Velasquez, a.k.a. Kidlat, na ngayon ay kinagigiliwan ng netizens.
Ayon kay Mommy Viy, naiyak si Kidlat sa kagustuhang magsuot ng Spiderman costume habang nagsasanay sa paglalaro. Tumanggi umano siyang magpatuloy sa training hangga’t hindi niya ito suot.
Nang sa wakas ay pinayagan siya ng kanyang Mommy Viy na suotin ang nasabing costume, mas lalo raw ipinamalas ni Kidlat ang dedikasyon niya sa ensayo.
“Umiiyak siya dahil gusto niya sa soccer training nya naka spiderman costume s’ya nung pinasuot… talaga namang pinatunayan n’ya,” kwento ni Mommy Viy sa kanyang post.
Bagama’t hindi sa aktwal na field isinasagawa ang training, hindi ito naging hadlang kay Kidlat sa kanyang pagsisimula sa mundo ng football.
Sa suporta ng kanyang mga magulang na sina Mommy Viy at Daddy Lincoln Velasquez, a.k.a. Cong TV, at sa gabay ng kanyang coach mula sa Sport Club Regulus, patuloy ang kanyang pagsasanay kahit sa loob lamang ng kanilang tahanan.
Sa mga litratong ibinahagi ng kanyang coach na si Francisco Javier De Boer, makikita ang sipag, disiplina, at determinasyon ni Kidlat sa kanyang pag-eensayo, na umani ng papuri at paghanga mula sa kanyang coach.
“Saturday is football day. Well done, Spiderman Kidlat. You are amazing. Coach Francisco is very proud of you!” ani Coach Francisco sa kanyang post.
Netizens’ Comments
Samantala, kinaaliwan ng netizens ang Spiderman costume ni Kidlat na tila nagsilbing inspirasyon upang mas pagbutihin niya ang kanyang pagsasanay.
Quick Pick: “Nasa costume kasi ‘yung powers, Mima! Hahahahaha!”
Shanna Mae Labaniego: “Anak ka nga ni Cong TV. Isang malaking alamat, Kidlat.”
Vina Niña Mae Butron: “Cute naman ng spiderman na ‘yan.”
Monica Bucatcat: “Baka feeling n’ya may super power s’ya kapag suot n’ya ‘yan.”
안안: “Ang cute nga ni Kidlat. At least nagamit ang mga nabili mo, Mommy Viy.”
