Hindi nagpahuli ang Team Payaman member na si Chino Liu, a.k.a. Tita Krissy Achino sa trending na kasiyahan sa It’s Showtime nitong Lunes, April 28, 2025.
Sa isang espesyal na dance prod para sa tinaguriang National Crazy Day, sinimulan ng ABS-CBN noontime variety show ang episode nito sa isang bonggang opening number na puno ng energy at star power.
Star-Studded Opening Dance Number
Sinimulan ng It’s Showtime ang kanilang episode sa pamamagitan ng isang dance mob performance gamit ang kantang ‘Crazy’ ng K-pop girl group na LE SSERAFIM.
Tampok dito ang ilang celebrities tulad nina Yassi Pressman at mga dating housemates ng Pinoy Big Brother Celebrity Collab na sina AC Bonifacio, Ashley Ortega, Charlie Fleming, Kira Balinger, Michael Sager, at Emilio Daez.
Kasama rin dito ang ilan sa mga housemates ng PBB Gen 11 edition na pinangunahan ng big winner na si Sofia Smith a.k.a “Fyang”, at ni Awra Briguela.
Dagdag kasiyahan pa ang paglahok ng mga P-pop groups gaya ng BGYO, VXON, G22, AJAA, at Wrive.
Nakilahok din sa sayawan ang mga dating kalahok ng Tawag Ng Tanghalan at Kalokalike, pati na ang mga bahagi ng Showtime Online U, Baby Dolls, at Showtime Kids.
Bukod kay Tita Krissy Achino, naki-indak din ang ilan pang social media personalities gaya nina Yobab, Kevin, Toni Fowler, Vince Flores, at Whamos Cruz sa nasabing dance craze.
Vice Ganda’s Dance Craze
Ang espesyal na prod ay bahagi ng pagdiriwang ng tinaguriang “National Crazy Day” ng It’s Showtime matapos maging viral sa TikTok ang kakaibang dance steps ng Unkabogable Box-Office Star na si Vice Ganda.
Maraming personalidad ang naki-join sa nasabing trend kabilang sina Iñigo Pascual at ang kanyang amang si Piolo Pascual.
Ang Crazy ay mula sa EP na may parehong pamagat na inilabas ng K-pop girl group na LE SSERAFIM noong August 2024.
