Isang bagong samahan na naman ang sumibol sa lumalaking pamilya ng Team Payaman!
Humanda na sa mga kapana-panabik na content mula sa bagong TP trio, ang “Unfiltered Besties,” na binubuo nina Clouie Dims at Pat Pabingwit ng TP Wild Cats, kasama ang kanilang matalik na kaibigan na si Jopearl Abad.
Sa kaniyang pinakabagong YouTube vlog, nakasama ni Clouie Dims ang dalawa sa kanyang mga malalapit na kaibigan sa Team Payaman upang ipakilala ang kanilang grupo sa pamamagitan ng isang masayang midnight cooking session, isang prangkahang Q&A, at isang exciting na anunsyo na ikinatuwa naman ng netizens.
“Ang menu natinfor today’s midnight snack, magluluto kami ng pasta at chicken wings!” masiglang ibinahagi ni Clouie.
Habang abala sila sa paghahanda ng masasarap na pagkain, kaswal nilang sinimulan ang Q&A session na inihanda ni Clouie. Aniya, ang mga tanong daw ay nagmula pa sa kanyang broadcast channel at TikTok live.
All-out naman ang tatlo sa pagsagot sa mga tanong tungkol sa kanilang personal na buhay, kanilang friendship, at maging ang kanilang buhay pag-ibig, na nagbigay sa mga manonood ng isang tunay at walang filter na sulyap sa kanilang mundo.
Pagkatapos ng kanilang masaya, makulit, at emosyonal na kitchen bonding experience, ang “Unfiltered Besties” ay may isang sorpresang anunsyo na nagpasabik sa mga manonood.
“Meron po kaming binubuong podcast!” masayang ibinunyag ni Clouie. “Abangan niyo po, soon… Sana po suportahan niyo kami dahil matagal na po naming gustong gawin ito.”
Dagdag pa nila, habang nag-aanyaya sa kanilang audience na makiisa sa pagbuo ng kanilang podcast title.
“Mag-suggest na kayo ng name para sa podcast namin…”
Samantala, agad namang nagpahayag ng pananabik ang mga netizen para sa paparating na podcast ng Team Payaman Wild Cats.
@ellieven: “Tuloy niyo po, mga ate!”
@cidgemorales1934: “Ituloy na ‘yang podcast!! Hahaha at one shot one makeup challenge, please!”
@keiuase: “Waiting sa podcast!!!”
@cams-sft: “Excited for da podcast!! “
@rexelalidon2899: “Waiting po sa podcast!”
Sa kanilang natural na friendship bonding, agad nang napahanga ng “Unfiltered Besties” ang netizens. Abangan ang iba pang mga update at ang mga masasayang content na siguradong ihahatid ng bagong trio ng Team Payaman na ito sa kanilang kapanapanabik na friendship journey!
Watch the full vlog below:
If you’re looking to upgrade your everyday wardrobe with comfortable, affordable, and effortlessly stylish pieces,…
Proud na ibinahagi ng Team Payaman mom na si Pat Velasquez-Gaspar ang recent academic milestone…
Ibinahagi ni Pat Velasquez-Gaspar ang kanyang one-year fitness journey kasama ang Beauty Couture Aesthetic Clinic,…
The countdown to Team Payaman Fair: VIYond the Beat is officially on, as Team Payaman…
Laughtrip ang hatid nina Viy Cortez-Velasquez at ilan sa kanyang mga special guests sa ikatlong…
Matapos ang kanyang academic dilemma, isang surpresang out-of-the-country trip ang hatid ni Cong TV para…
This website uses cookies.