Kamakailan, idinaos ng Luxe Beauty and Wellness Group ang Thanksgiving Night 2025 sa pangunguna ng kanilang Chief Executive Officer (CEO), Anna Andrea Magkawas, bilang pasasalamat sa lahat ng sumuporta at naging bahagi ng kanilang tagumpay.
Sa temang “Unmasking the Night,” maraming social media at TV personalities ang dumalo suot ang kanilang eleganteng masquerade outfits, na nagbigay saya at kulay sa nasabing event.
Night of Honors
Bilang bahagi ng pagdiriwang, pinarangalan ng Luxe Beauty and Wellness Group, sa pangunguna ni Ms. Anna Magkawas, ang kanilang natatanging distributors bilang pagkilala sa kanilang sipag, tiyaga, at dedikasyon sa pagpapakilala ng top-trending Luxe products sa mga Pilipino.
Ang nasabing parangal ay isang paraan ng nasabing kompanya upang ipakita ang kanilang pagpapahalaga sa mga business owners na walang sawang sumusuporta sa misyon nilang maghatid ng de-kalidad na produkto sa masa.
Bukod sa awarding, nagbigay ningning sa nasabing event ang presensya ng mga kilalang personalidad gaya nina Ruffa Mae Gutierrez, Aubrey Miles, Troy Montero, Zeinab Harake, Dominique Roque, Elisse Joson, Team Deavy, at iba pa.
Hindi rin nagpahuli ang Luxe Skin Ambassadors na sina Alexa Ilacad at Miss Universe Philippines Muntinlupa 2025, Winwyn Marquez, baon ang pasabog performances para sa mga dumalo sa engrandeng Thanksgiving Party.
The “New Luxe Baby” of Luxe Skin
Bago matapos ang event, pormal na ipinakilala ng Luxe Beauty and Wellness Group CEO Anna Magkawas ang “New Luxe Baby” o ang bago nilang Brand Ambassador—walang iba kundi ang Fourth Big Placer ng Bahay ni Kuya, Kaisha Denniel Montinola, o mas kilala bilang “Kai” sa Pinoy Big Brother (PBB) Season 11 “Gen 11”.
“It’s an honor. Kasi, thank you for trusting me. Thank you for trusting me to be an ambassador. Also, for inviting me tonight to sing and to perform in front of all of you. It’s such a pleasure to be here, to perform in front of you,” ani Kai.
Pasilip pa lang sa bagong produktong ilalabas ng Luxe Skin, hindi na napigilan ng mga netizens na magalak sa bagong Brand Ambassador nito.
“Congratulations to all of you. God bless all. So beautiful, Ma’am Anna.”
“Kai [is] glowing with Luxe.”
“Happy 3rd Anniversary, Ma’am Anna Magkawas. More years to come with Luxe Slim!”
“Congratulations, Kai! Welcome to Luxe Skin!”
“The best CEO, Anna Magkawas, mahal lahat ng distributors nila,” komento ng mga netizens.
