Here’s How You Can Achieve Gordon Ramsay-Approved Halo-Halo ala Ninong Ry

Kamakailan lang ay personal na ginawan ng Team Payaman cook na si Ninong Ry ang renowned world-class chef na si Gordon Ramsay ng Halo-Halo sa kanyang pagbisita sa bansa.  

Dahil nalalapit na ang tag-araw, ito ang tamang pagkakataon upang alamin kung paano nga ba gumawa ng Gordon Ramsay-approved Halo-Halo ala Ninong Ry.

Gordon Ramsay x Ninong Ry

January 20 ngayong taon nang unang maka daumpalad ng chef content creator na si Ryan Morales, a.k.a Ninong Ry ang world-class culinary star na si Chef Gordon Ramsay.

Nabigyan ng pagkakataon si Ninong Ry na bumida sa isang ‘Masterchef’-inspired show nito na ginanap sa bansa.

Bilang parte ng programa, sumalang siya sa isang mini cook-off kasama ang ilan sa mga culinary professionals gaya nina Judy Ann Santos-Agoncillo at Danica Lucero. 

Upang mas makilala ang kulturang Pilipino, nagharap-harap ang mga contenders sa isang Halo-Halo making challenge, na kung saan si Gordon Ramsay ang nagsilbing hurado ng tatlo.

Halo-Halo ala Ninong Ry

Dahil umani ng mga positibong komento mula sa netizens, walang pagdadalawang-isip na ibinahagi ni Ninong Ry ang recipe ng kanyang Halo-Halo sa isang TikTok video.

Una niyang ipinahid ang coco jam sa paligid ng baso, at sunod niyang nilagyan ng rice crispies upang magsilbing base ng kanyang Halo-Halo.

Hindi nawala ang macapuno, minatamis na beans, minatamis na monggo, leche flan, at nata de coco sa mga key ingredients ng kanyang Halo-Halo.

Sunod na inilagay ni Ninong Ry ang mga pinong yelo, na kanyang dinagdagan ng Dulce de Leche, latik, at evaporated milk sa ibabaw.

Matapos gawin ang Halo-Halo, ipinahatid ni Ninong Ry ang kanyang pasasalamat sa celebrity chef.

“Chef Gordon Ramsay, I just wanna say thank you for the experience, and I hope you come back to the Philippines. I love you, Mr. Gordon Ramsay,” mensahe niya.

Watch the full video below: