Bali, Indonesia ba ang susunod na destinasyon ng iyong bakasyon? Kung wala ka pang itinerary, sagot na ni Mommy Vien Iligan-Velasquez ‘yan!
Silipin ang ilan sa mga rekomendasyon ng Team Payaman mom para sa mga nais na magbakasyon sa Bali, Indonesia!
Sa kanyang bagong vlog, ipinasilip ni Vien lligan-Velasquez ang ilan sa mga tagpo sa nagdaang Bali, Indonesia trip kasama ang pamilya.
Una pa lang ay namangha na si Vien sa mura ng mga bilihin, paritikular na ng mga pagkain sa Indonesia, dahilan upang makarami ito ng mga lugar na papasyalan.
“Nagulat ako. Sabi ko, ito ba? Ito ba ‘yung bill natin? Bakit P2,400 lang?” kwento nito.
Matapos mag-agahan, agad na sinimulan ng Team Payaman ang kanilang pamamasyal sa Bali, na s’yang ikinagalak ng kanilang mga chikiting.
Bilang pagkilala sa tradisyon at kultura ng Indonesia, sinilip nina Vien ang paraan kung paano gumagawa ang mga ito ng batik o malong kung tatawagin sa Pilipinas.
Namangha ito sa galing ng mga Indonesian sa pagguhit ng mga disenyo ng bawat batik gaya ng mga dragon at bulaklak.
Nag-ikot rin si Vien sa kanilang munting tindahan upang magsukat at bumili ng mga disenyo nito sa damit, kumot, at marami pang iba.
Matapos ang kanilang maagang shopping, hindi pwedeng mawala ang food trip, lalo na’t karamihan sa Team Payaman ay first time sa Bali. Para sa kanilang tanghalian, nagtungo ang mga ito sa Bebek Joni Restaurant.
Nagsalu-salo ang Team Payaman sa masarap na tanghalian bilang parte na rin ng munting selebrasyon ng kaarawan ng panganay nila Boss Keng at Pat Velasquez-Gaspar na si Isla Patriel Gaspar, a.k.a Baby Isla.
Isa rin sa hindi pinalampas bisitahin ng Team Payaman ay ang Ganesha Cafe kung saan sila nagsaya, kantahan, at kumain ng hapunan.
Syempre, hindi rin pinalampas ng Team Payaman ang pagkakataong makapamasyal sa Bali Safari, na s’yang ikinatuwa ng mga bata.
“First time nilang [TP Kids] makakakita ng giraffe, hippo, rhino, ‘yan! First time ni Mavi tsaka si Viela ‘din,” ani Mommy Vien.
Bukod sa pagsilip sa mga hayop, nakiisa rin ang mga ito sa ilang mga interactive shows na hatid ng nasabing zoo park.
Sunod na binisita ng Pamilya Velasquez ang kilalang Mount Batur, isa sa mga active volcanoes ng bansa, na masisilip sa Kintamani Restaurant.
Labis ang pagkamangha sa ganda ng bulkan hindi lamang ang mga bata, kung hindi pati na rin ang mga matatanda na game na game nagpapicture sa nasabing lugar.
Tumikim rin ang Team Payaman ng ilan sa mga ipinagmamalaking timpla ng kape sa nasabing restaurant.
“Ang tapang nito, pero ang sarap!” komento ni Vien.
Isa rin sa mga pwedeng gawin sa Bali ay ang paglangoy dahil kilala ito sa magagandang mga karagatan, isa na rito ang Seminyak Beach.
Walang sawang nagtampisaw ang mga bata, at game na game na ring nakipaglaro ang kanilang mga magulang.
Watch the full vlog below:
Now that the weather is getting colder, maintaining well-moisturized skin becomes a challenge, often leaving…
Dahil back-to-school season na, ibinahagi ni Mommy Viy ang ultimate baon buddy ng panganay niyang…
Marami ang naaliw nang simulan ng mag-asawang Kevin at Abigail Hermosada ang kanilang ‘weird cravings’…
Hot on the heels of their last successful drop, Cong TV’s official clothing line, Team…
Matapos hindi makasama sa nakaraang biyahe ng Team Payaman sa Hong Kong, nakabawi si Burong…
Isang makabuluhang feeding activity para sa mga stray dogs ang tampok sa pinakabagong episode ng…
This website uses cookies.