Netizens Applaud Viy Cortez’s Witty Clapback to Online Bashers

Hindi pinalampas ng Team Payaman vlogger na si Viy Cortez ang ilang mga netizens na nag-iwan ng mga komentong panlalait sa kanyang mga social media posts. 

Ang paraan naman ng kanyang pagpansin sa online bashers ay ikinatuwa ng kanyang mga taga-suporta.

Viy shuts down bashers

Sa pamamagitan ng green screen filter sa kanyang mga TikTok posts (@viy.cortez), sinagot ng Team Payaman content creator ang apat na bashers na puro negatibong komento ang hatid kay Viy Cortez.

Tila ibinalik ni Viy sa mga nasabing bashers ang komento ng mga ito patungkol sa pagiging mukhang “maasim”, “madumi,” at “mabantot” sa simpleng pagbibitaw ng mga katagang: “Sister, same-same lang.”

Matatandaang una nang naging biktima ng samu’t-saring negatibong komento si Viy mula sa social media platform na reddit, ngunit nanatili itong tahimik sa kabila ng mga pambabatikos sa kaniyang pisikal na itsura.

Pero sa kanyang mga bagong TikTok video, isang palaban ngunit masayahing Viy Cortez pa rin ang nasaksikan ng kanyang mga taga-suporta. 

Ayon pa kay Viviys, umabot na sa Facebook ang kanyang mga posts kung saan muli na namang may nag-iwan ng komentong “Si Viy, eh chaka din.”

Sinagot naman ito ng 27-anyos na vlogger at sinabing: “Sister, ang sinasabi ko lang naman, tayong mga magkaka-group dapat nagtutulungan tayo, ‘di ba?” 

“‘Wag tayo mag away-away, pare-parehas lang tayo. Team tayo dito,” dagdag pa nito sa kanyang caption.

Netizens react

Ang sagutan naman niyang ito ay umani ng reaksyon ng paghanga mula sa mga netizens na tila ikinatuwa ang kanyang pagiging “palaban.” 

@icia: “Viy ‘pumapalag na’ Cortez HAHAHAHAHA”

@philryan: “Lumalaban na si Princess Wow”

@graciousmariaa: “We love this version of you!!! We got your back Princess Wow!”

Samantala, hindi rin naman siya binigo ng kanyang mga taga-suportang handang dumepensa sa kanyang pisikal na itsura.

@Nieki Finds: “Excuse me lang ha. Ang ganda kaya ni Viy!”

Laging tatandaan: Always choose to be kind, especially to those who deserve that kindness.