Kakaibang Valentine’s Day treat ang hatid ng Team Payaman power couple na sina Cong TV at Viy Cortez, matapos surpresahin ni Viviys ang kanyang soon-to-be husband ng isang hindi malilimutang dinner date.
Alamin ang mga naging paghahanda ni Viviys para sa kanilang huling Valentine’s Day celebration bilang mag-nobyo.
Sa kanyang bagong vlog, ipinasilip ni Viy Cortez ang mga naging tagpo sa Valentine’s Day celebration nito kasama ang fiance na si Cong TV.
Isang araw bago ang Araw ng mga Puso ay kinuntsaba na nito ang executive assistant na si Patricia Pabingwit, at mga editor na sina Carlo at Gabby Santos para sa kanyang surpresa.
Sa una ay inaasar pa nito si Cong dahi wala pa aniya siyang natatanggap na anumang regalo mula sa kanyang partner.
Napagtanto ni Viy Cortez na oras na para bumawi sa kanyang fiancé sa pamamagitan ng isang tahimik ngunit romantikong dinner date.
“Ang ganda nung set-up mo kaysa do’n sa naiisip ko. I feel so special boy!” reaksyon ni Cong nang makita ang inihandang dinner date set-up.
Sagot ni Viy: “Love, special ka talaga! Hindi mo ba alam na special ka sa akin?”
Matapos ng kwentuhan ay inaya ni Viy si Cong sa isang slow dance upang lalong maging romantic ang kanilang Valentine’s Day date.
Ngunit maya-maya pa ay bumulaga sa likod ng set-up ang paboritong banda ni Cong na Silent Sanctuary.
Abot tenga ang ngiti ni Cong nang tuluyan nang makita ang kanyang mga iniidolo habang kinakanta ang hit song na “14.”
Hindi rin napigilan ng dalawa na mapakanta at mapasayaw kasabay ng tugtuging handog ng nasabing banda.
Naikwento rin ni Cong na noon ay gumagawa pa ito ng ilang music video gamit ang all-time hit song ng Silent Sanctuary na “Rebound.”
Napatalon na lang ang Team Payaman head nang simulan nang tugtugin ng banda ang kantang “Kundiman” na isa rin sa mga paborito niya.
Hindi rin nito pinalampas ang pagkakataong maka-jamming ang Silent Sanctuary sa isang pasada ng kantang “Rebound”
Sa huli, labis ang naging pasasalamat ni Cong sa banda, at syempre, sa kanyang soon-to-be-wife sa handog nitong surpresa.
Watch the full vlog below:
As children grow more active and curious, keeping them safe during everyday activities becomes increasingly…
Panibagong milestone ang ipinagdiwang ng pamilya Velasquez-Gaspar matapos ang transisyon ng panganay na si…
Sa kanilang pagbisita sa sementeryo noong Undas, nagsagawa ng kakaibang bonding activity ang Team Payaman…
Excited na ibinahagi ng Team Payaman vlogger na si Viy Cortez-Velasquez ang mga panibagong tagpo…
Hindi man mahilig sa basketball si Mavi, sinubukan pa rin niya ang naturang sport bilang…
In less than 50 days, Team Payaman Fair will once again open its doors for…
This website uses cookies.