Content warning: This article contains statements that may trigger some audiences. Reader discretion is advised.
Sa isang pambihirang pagkakataon, inamin ng vlogger/entrepreneur na si Boss Toyo na minsan na niyang sinubukang tapusin ang kanyang buhay dahil sa pagkalulong sa masamang bisyo at depresyon.
Kamakailan lang ay binuksan ni Jayson Luzadas, a.k.a Boss Toyo, ang kwento ng kanyang buhay sa panayam sa Kapuso Mo, Jessica Sojo. Dito na inamin ng “Pinoy Pawnstars” founder ang mga dagok na pinagdaanan niya sa buhay at kung paano ito bumangon, na nagsilbing inspirasyon sa kanyang mga tagasuporta.
Colorful Past
“Sobrang colorful.” Ganyan inilarawan ni Boss Toyo ang kanyang buhay nang makaharap nito ang batikang mamamahayag na si Jessica Sojo.
Kwento nito, lumaki siyang ampon at naranasang ang iba’t ibang klase nang pagrerebelde.
“Nag turn out [ako] to be an addict at an early age. Benta lahat ng gamit, kupit dito, kuha ng gamit doon, nagnanakaw para may pangtustos sa bisyo,” ani Boss Toyo na inamin ding naranasan niyang maging snatcher noon.
Hindi naman kinakahiya ni Boss Toyo na ilang beses din siyang naglabas-pasok sa drug rehabilitation at nag tangkang magpakamatay.
“Nag commit din ako ng suicide dati noong teenager pa ko. Pinagtawanan lang ako ng mga barkada ko kasi napigtal yung tali,” dagdag pa nito sabay sangayon kay Jessica Sojo na tila senyales ito na hindi pa tapos ang kanyang misyon sa buhay.
Naging turning point aniya ng kanyang buhay ay nang ilang beses ma-ospital dahil sa Dengue at naranasan na mag agaw-buhay dahil sa nasabing sakit.
“After ko lumabas ng ospital, sabi ko, parang ayoko na mag shabu!”
Pinoy Pawnstars
Ibinida rin ni Boss Toyo ang mga rare collectibles na naipon nito sa kanyang negosyong Pinoy Pawnstars, kabilang na ang mga kopya ng lisensya ng baril ni Fernando Poe Jr., sumbrero ni Dolphy, jacket ni Daniel Padilla, at iba pa.
Ayok kay Boss Toyo, sinimulan niya ang Pinoy Pawntars matapos makanood online ng ganitong istilo ng negosyo sa ibang bansa, at hinugot niya ang kapital mula sa kanilang gold business.
Isa si Boss Toyo sa mga vloggers na nakisaya sa nagdaang Team Payaman Fair Paawer Up noong Disyembre sa SMX Convention Center Manila. Gusto niyo ba ulit makasama si Boss Toyo sa susunod na TP Fair, mga kapitbahay?
Watch the KMJS episode below:
