Panibagong cooking vlog ang hatid sa atin ng resident baker ng Team Payaman na si Abigail Campañano-Hermosada.
Sa kanyang bagong vlog, ibinahagi ng misis ni Kevin Hermosada ang pagluluto nito ng isang all-time favorite Pinoy merienda, ang Ginataang Bilo-Bilo.
Perfect merienda
Matapos ipamalas ang kanyang galing sa pagbe-bake ng Cheesy Donut at Pandesal, ibang merienda naman ang inihanda ngayon ng TiBabi’s Kitchen owner at baker sa Congpound.
Dahil sa maulan na panahon noong mga nakaraang linggo, naisipan ni Abi na magluto ng merienda’ng swak sa tag-ulan.
“Kasi guys tignan niyo naman yung panahon sobrang gloomy, tapos maulan, tapos malamig. Parang ang sarap ng gata,” ani Abi.
Bukod sa lagay ng panahon ay matagal na rin daw natatakam si Abi na kumain ng Ginataang Bilo-Bilo. To the rescue naman agad ang kanyang mister at sinuportahan siya sa kanyang trip.
Agad namalengke ang dalawa upang bumili ng mga sangkap na gagamitin sa pagluluto. Kabilang sa kanilang pinamili para sa Ginataang Bilo-Bilo ay ang gata, glutinous rice flour, saging na saba, langka, asukal, kamote, at sago.
Pag uwi ng bahay, sinimulan na ni Abi ang pagluluto sa tulong ni Kevin at ng mga kaibigang sina Clouie Dims at Aki Anggulo.
Taste Test
Matapos ang misyon ni Abi, inamin ni Kevin Hermosada na hindi siya mahilig sa Ginataang Bilo-Bilo, ngunit pasado pa rin syempre ang luto ng kanyang misis.
“Masarap daw sabi ng asawa ko!”
Kanya kanyang tikim din ang kanilang mga kasamahan sa Content Creator House na tila speechless na naman sa sarap ng luto ni Abi.
At gaya ng nakagawian, namigay din si Abi ng kanyang pa-merienda sa mga kapitbahay sa Congpound.
“Wow! Pwede nang mag-anak! Thank you so much, mga generous na kapitbahay!” ani Vien Iligan-Velasquez.
“Wow! Ay bongga, ikaw nagluto sis? Thank you so much!” ani Viy Cortez.
Watch the full vlog below:
