Kevin Hermosada Reveals Inspiration Behind New Single ‘Tulog’

Isang napakaganda at nakaka-kalmang kanta ang inilabas ng bandang Libre na pinamagatang “Tulog.”

Sa ekslusibong panayam ng VIYLine Media Group (VMG) sa lead vocalist ng banda na si Kevin Hermosada, ibinunyag nito ang inspirasyon sa likod ng nasabing kanta.

“Tulog” by Libre

Ang kantang “Tulog” ay inilabas ng bandang Libre sa iba’t-ibang digital streaming platforms gaya ng YouTube Music at Spotify.

Walang pag-aalinlangang ibinahagi ni Kevin sa VMG ang kwento sa likod ng bagong single na dapat sana ay kanta n’ya para sa misis na si Abigail Campañano-Hermosada.

“Nasulat ko yung song kasi habang magkausap kami ni wife sa video call noon, and inaantok na s’ya. Sabi n’ya kantahan ko daw s’ya and nag end up na kinantahan ko s’ya ng song na on the spot kong nakanta,” kwento ni Kevin.

Tinuloy n’ya ang pagsulat ng lyrics ng nabuong kanta at natapos ito sa loob lang ng kalahating oras. Samantala, isang buwan naman ang inabot bago makumpleto ng kanilang banda ang full song arrangement. 

“Tinuloy ko yung sulat and nung natapos ko s’ya, naisip ko yung mga kaibigan ko na may pinagdadaanan ngayon. Ang kantang ito na nabuo ay patungkol lang sa pagyakap sa kaibigang nangangailangan.”

Listen Now!

Ito na ang sign para pakinggan ang “Tulog” by Libre na mapapakinggan sa lahat ng digital streaming platforms gaya ng YouTube Music at Spotify.

Ayon pa kay Kevin, bukas ang kanilang banda sa kolaborasyon sa iba’t-ibang record labels sa bansa kaya naman nakatutok sila ngayon sa paggawa ng mga bagong kanta.

Maari din aniya silang imbitahan sa mga gigs o live performance upang maibahagi ang kanilang musika.

Iniimbitahan din ni Kevin Hermosada ang mga nais mapanood ang kanyang banda sa darating na July 30 sa Unknown 13 Pub Bar sa Quezon City!