Ngayong Buwan ng Pag-Ibig, muling hatid ng Team Payaman ang #KiligMuchSerye mula sa online love story nina Mau Anlacan at Rhomil Francisco.
Sa ikalawang pagkakataon, isang nakakakilig na kaganapan ang sinubaybayan ni Steve Wijayawickrama at ibinahagi sa kanyang manonood.
Sa nakaraang vlog ng editor-turned-vlogger na si Steve Wijayawickrama, ibinahagi nito ang never-seen-before clips ng interaksyon ng di-umano’y nabubuong love team sa loob ng Payamansion.
Sa ikalawang pagkakataon, ibinahagi ni Steve sa kanyang bagong vlog ang sampung minutong puno ng nakakakilig na interaksyon sa pagitan nina TP Dancing Queen Mau at TP video editor Rhomil.
Pero bago ang lahat, may isiniwalat na katotohanan si Kevin Hufana tungkol sa dalawa.
“Guys, alam n’yo ba? Si Mau ang unang nag-chat kay Rhomil!” kwento nito.
“Wala nang intro intro! Crush niya talaga si Rhomil!” dagdag naman ni Clouie Dims.
Hindi pa natapos ang pangbubuking dahil kaliwa’t-kanan na ang pang-aasar ng mga kapwa Dancing Queen ni Mau sa kanya.
Ilang sandali lang ay dumating si Rhomil dahilan upang kiligin ang TP Wild Cats. Hindi nagtagal ay inusisa na ng “Official Marites” ng grupo ang namumuong pag-iibigan sa pagitan nina Mau at Rhomil.
“So Rhomil, ano naman ang pakiramdam na si Mau ang unang nag-chat sa’yo?” tanong ni Kevin.
Pabirong sagot naman ni Rhomil: “‘De, sanay na ako eh!”
Hindi rin nagpahuli si Burong sa pag-usisa kay Mau, “Ano bang qualities ni Rhomil ang palagay mo ay nagustuhan mo?
“Mukha siyang family oriented, mabait.” sagot ni Mau.
Samantala, ayon kay Rhomil ang nagustuhan naman niya kay Mau ay ang pagiging hardworking nito.
Bago tapusin ang nakakaintrigang Q and A, hiningan nina Kevin at Burong ng mensahe sina Mau at Rhomil para sa isa’t isa.
“Kamusta ka na?” tanong ni Rhomil.
“Okay naman. Tara, akyat?” pabirong sagot ni Mau.
Upang sagutin ang tanong ng lahat kung single nga ba sina Mau at Rhomil, taas noo itong sinagot ng “Oo” ng dalawa.
Isa pa sa mga nagpakilig sa mga nasa Congpound ay ang kauna-unahang holding hands moment ng tambalang RhoMau.
Abangan pa ang susunod na kabanata sa pag-iibigan sa pagitan nina Mau Anlacan at Rhomil Francisco.
Watch the full vlog below:
Sa pinakabagong episode ng ‘Kags, Help,’ ipinakita ni Chino Liu, kung paano niya hinaharap ang…
Matapos ang kapana-panabik ngunit bitin na unang bahagi, nagbalik ang The Viyllage Show ng Team…
Isang makabuluhang araw ang September 9 para sa pamilya Velasquez-Gaspar matapos sabay na ipagdiwang ang…
It’s that time of the year once again when you can dress up as your…
Papuri ang hatid ng online titos and titas sa magkapatid na Zeus Emmanuel Velasquez, a.k.a…
“Minsan, kailangan lang talaga nating marinig na okay lang mapagod.” Ganito sinimulan ni Kevin Hermosada…
This website uses cookies.