Kamakailan lang ay kinagiliwan ng solid Team Payaman fans ang makapanindig balahibong PUBG match ng TP Wild Dogs.
Ngayon hatid ni Aaron Macacua, a.k.a Burong, ang isa na namang gaming content na tiyak na kagigiliwan ng mga manonood na mahilig sa thrilling online games.
Sa kanyang bagong vlog, ibinahagi ni Burong ang bagong online game na sinubukan nito kasama ang ilang miyembro ng Team Payaman.
Kabilang sa mga kumasa sa hamon ng paglalaro ng Dead by Daylight ay sina Jaime de Guzman a.k.a Dudut Lang, Carding Magsino, Steve Wijayawickrama, at Bryle Galamay a.k.a Bods.
Ang Dead by Daylight ay isang horror game kung saan mayroong isang killer at apat na survivors. Ang mga survivors ay inaasahang makakatakas mula sa mapa sa pamamagitan ng pagbuo ng mga generators na magbibigay ng ilaw tungo palabas ng mapa.
Upang mas maging exciting ang laro, nangako si Burong ng isang papremyo kung sakaling matalo siya rito.
“‘Pag ako natalo n’yo dito, pupunta tayo [ng] 7-Eleven,” pagmamalaki nito.
Sagot naman ni Bods: “Agad agad?”
“You know that I love 7-Eleven!” biro naman ni Carding.
Hindi pa man nagtatagal ang laro ay kaliwa’t-kanan na ang gulatan at sigawan dala ng mga makapigil-hiningang karakter at kaganapan sa nasabing palaro.
Sa unang round, napagtagumpayan ni Burong ang kagimbal-gimbal na laro laban sa kanyang mga kalaban.
“Very basic ang nangyari!” pagmamayabang ni Burong.
Matapos ang ilang rounds, itinanghal na namang panalo si Burong. Sa kabila nito ay nilibre pa rin ni Burong ang grupo sa 7-Eleven upang mag midnight snack.
Samantala, inulan naman ng mga positibong komento ang bagong vlog ni Burong dahil sa kakaibang atake nito.
vinmatu: “Parang breath of fresh air ‘tong ganitong content sa TP!”
Zeegs: “Looking forward sa mga susunod na videos mong ganito, Burong! Pawer!”
Viy Bhie Mo: “Ang galing ng content mo. Naiiba talaga s’ya sa content ng ibang TP. More more videos like this please at sana madalas rin ang upload!”
Sethorne: “Nagustuhan ko mga new content mo, Burong! Keep it up! Hahaha. Try n’yo din laruin yung ‘Phasmophobia’ sure ako mag-eenjoy kayo.”
Watch the full vlog below:
Napuno ng matatamis na tagpo ang quick getaway nina Boss Keng at Mommy Pat sa…
Nagsama-sama ang mga miyembro ng sikat na vlogger group ng bansa na ‘Team Payaman’ para…
Mula sa isang gig performance, nauwi sa isang music project ang tambalan nina Elijah Borreros,…
Team Payaman fans who missed the previous ticket-selling phases may soon get another shot at…
Muling nagsama ang tambalang Cong TV at Donny Pangilinan sa isang bagong advertisement ng Mang…
Samahan si Dudut Lang sa isang chill camping trip kasama sina Kristel, Burong, at Aki.…
This website uses cookies.