Kevin Hermosada and Junnie Boy Join Forces in New Team Payaman Prank

Kevin Hermosada is back at it again with another epic prank vlog. Pero sa pagkakataong ito, kasabwat ni Kevin ang kapwa Team Payaman member na si Junnie Boy Velasquez para i-prank ang kanyang bestfriend na si Dazer. 

Hindi lang basta-basta prank ang ginawa ng dalawa dahil nagka-sanglaan pa ng gamit ng may gamit! Mission accomplished naman kaya ang prank collaboration nina Kevin at Junnie?

Best Friend Problems

“Kaya ako lumapit sayo, kailangan ko talaga ng tulong mo pre,” ani Kevin kay Junnie Boy.

Sa kanyang bagong vlog, ibinahagi ni Libre frontman ang problemang pinagdadaanan ngayon ng matalik nitong kaibigan. Pero imbes na magbigay ng solusyon ay naisipan ni Kevin na tulungan ang kanyang bestfriend sa pamamagitan ng isang prank.

Ika nga ni Junnie Boy: “Ilubog mo muna, bago mo hilahin pataas.” 

Dahil dyan, game na game na naging kasabwat si Junnie sa maitim na balak ni Kevin.

Base sa nakaraang vlog ni Junnie Boy, napagdesisyunan ni Kevin na i-prank ang kaibigan sa pamamagitan ng pag-sangla ng mga kagamitan nito ng lingid sa kanyang kaalaman. 

Sa tulong ng kakilala ni Junnie Boy sa isang kilalang pawnshop, kasado na ang mga kasabwat at ang props para sa maitim na binabalak ni Kevin laban sa best friend nitong namomroblema.

It’s Prank Time!

Hindi nagtagal ay isinagawa na ni Kevin Hermosada ang kanyang binabalak na prank laban kay Dazer. Bukod kay Junnie ay tinulungan din si Kevin ng kanyang kapwa Team Payaman member na si Mentos.

Nagtungo sa Marikina ang grupo upang isagawa na ang sangla prank sa tulong ng Cebuana Lhuillier. Kinuntsaba din ni Kevin ang tauhan ng nasabing sanglaan at nagkunwaring isasanla ang iniingatan na cellphone ni Dazer.

Unang hiniram ni Kevin ang telepono ng kaibigan tsaka ito ipinasok sa loob ng pawnshop upang kunwariang isanla. Bigyan naman ng mga tauhan ng Cebuana Lhuillier si Kevin ng mga pekeng dokumento na syang gagamitin para mapaniwala si Dazer na naisanla nga ang kanyang telepono.

Kalaunan ay hinahanap na ni Dazer ang kanyang telepono dahilan upang lumabas ang kanyang pangamba at takot. Hindi nagtagal ay inamin na rin ni Kevin na isinanla nya ang iniingatang telepono ng kaibigan.

“Paano ko tutubusin ‘to ngayon?” pangamba ni Dazer.

Napawi naman ang kalungkutan at takot ni Dazer nang aminin ni Kevin Hermosada na biktima lang ito ng isang prank.

“Isa lang masasabi ko pre! I love you!” biro pa ni Dazer.

Bukod dito, sinurpresa rin ni Kevin ang kanyang kaibigan ng isang maliit na pampuhunan upang magsimula ng bagong negosyo.

“Hindi nga? Seryoso ba ‘to? Salamat!” emosyonal na sambit ni Dazer.

Watch the full vlog below: