Muli na namang pinatunayan ni legendary YouTube vlogger Cong TV na hindi lang siya basta-bastang content creator. Lahat ng kanyang video uploads ay pinag-isipang mabuti para magbigay aliw at aral sa kanyang higit 10.6 million subscribers.
Sa kanyang bagong vlog, tila muli din pinanindigan ni Lincoln Velasquez na siya pa rin ang nag-iisang “Greatest Prankster” sa mundo ng YouTube Philippines. Ito ay matapos i-prank ang kaibigan, kapwa Team Payaman member, at bayaw nitong si Christian Ezekiel Gaspar, a.k.a Boss Keng.
Kung namiss nyo na ang mga henyong prank ni Bossing Cong TV, siguradong hindi mo dapat palampasin ang kaganapang ito.
Sa vlog na pinamagatang “Siargonecho,” ibinahagi ng 30-anyos na vlogger kung paano siya nagpatulong sa Team Payaman Wild Dogs para maghanap ng venue para sa selebrasyon ng kanyang nalalapit na kaarawan.
Kasama sina Yow Andrada, Aaron Macacua (Burong), Michael Magnata (Mentos), at Jude the Barber, inaya ni Cong si Boss Keng na samahan syang maghanap ng venue sa Bicutan. Lingid sa kaalaman ng grupo na nakatakda pala itong lumipad patungong Siargao Island kasama ang misis na si Pat Velasquez-Gaspar at iba pang Team Payaman.
Sa kasamaang palad, hindi lang pala sa Bicutan nais maghanap ng venue ni Cong TV at inabot ang grupo sa Batangas.
Noong una ay umaasa pa si Boss Keng na aabot ito sa flight nila ng alas dos ng tanghali, ngunit kalaunan ay tuluyan na itong iniwan ng kanyang misis.
“Pag nagalit na naman sakin yung asawa ko. Pinaliligo na nga ako nun kanina eh! Tapos nung ikaw ang tumawag sabi ‘Ang bilis mo pag si kuya ha?’” ani Boss Keng.
Pero bwelta naman ni Cong TV, gusto lang nya magpasama kay Keng at iparanas ang mga ginagawa nito sa mga kasama sa vlog.
“Eh di para marasanas mo yung ginagawa mo sa kanila! May series kasi si Boss Keng na kung saan lahat ng empleyado nya tinatakas nya!” biro ni Cong TV.
Pagdating sa kanilang destinasyon kumain muna ang tropa bago sumakay ng bangka para sumabak sa isang Mayon Volcano tour.
Sa puntong ito ay tila tanggap na ni Boss Keng ang kanyang kapalaran na maiwan ng eroplano kaya naman nag-enjoy na lang ito kasama ang tropa.
Pag-uwi ng Payamansion ay tuluyan na ngang nakaalis ang Siargao crew kasama ang misis ni Boss Keng. Pero lingid sa kanyang kaalaman, planado pala ang lahat…
Watch the full vlog below:
Dahil nalalapit na ang inaabangang paghaharap ng Cong’s Anbilibabol Basketball Team at Star Magic boys,…
It is no secret that Team Payaman’s Vien Iligan-Velasquez is one to look out for…
Muling nagbabalik ang Team Payaman vlogger na si Viy Cortez-Velasquez hatid ang ika-limang episode ng…
Matapos ang buwis-buhay na content sa Cebu, kaabang-abang na naman ang bagong vlogs na inihahanda…
After a successful run in Quezon City, the Viyline MSME Caravan officially launched its 7th…
It’s official! The biggest influencer event — Team Payaman Fair — is set to bring…
This website uses cookies.