![](https://mediagroup.viyline.net/wp-content/uploads/2022/06/kidlat-article-thumbnail-1024x576.jpg)
Muling pinatunayan ng Team Payaman members na hindi hadlang ang kahit anong balakid kung may nais kang makamtan sa buhay, maliit man ito o malaki. Gaya na lang ng bagong natutunang kakayahan ni Jaime De Guzman, a.k.a Dudut Lang.
Sa kanyang bagong vlog, ipinakita ni Dudut kung paano nya sinubukang matutunan ang isang kakayahan na matagal na yang gustong gawin, ang pag tumbling o backflip.
Ayon sa 25-anyos na vlogger, noon pa man ay namamangha na sya sa mga tuma-tumbling sa ere, mapa dancer man ito gymnast o maging sa mga palabas.
“Nakaka-bilib kaya na kaya mong umikot sa era tapos babagsak ka ng nakatayo,” ani Dudut.
Challenge Accepted
Bilang hamon sa kanyang sarili, hinarap ni Dudut ang kanyang pinapangarap na matutunan. Ayon pa sa tinaguriang “All Around” guy ng Team Payaman, alam naman niyang kaya niyang mag backflip, lalo noong hindi pa gaano mabigat ang kanyang timbang.
Kaya naman nag-ipon ito ng lakas ng loob at nag-desisyon na subukan matuto ng pag-tumbling habang bata pa.
Kasama ang kapwa Wild Dogs na si Carlos Magnata, a.k.a Bok, nagtungo sila sa MVPSF Gymnastics Center sa Intramuros, Manila.
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.47.25-PM-1024x574.png)
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.47.43-PM-1024x574.png)
Tinulungan si Dudut ng parkour athlete at fitness coach na si Coach Pol Parkour na tuparin ang kanyang pangarap na matutong tumambling.
Nagsimula ang kanilang session sa isang dynamic warm up upang mabuhay ang katawan at tumaas ang energy.
“Kaya natin ginagawa ‘to, this is to prevent injury. Para ma-ready na lahat ng joints natin at mga maliliit na muscles,” ani Coach Pol.
Bagamat duda si Dudut na kaya niyang mag-backflip dahil na rin sa kanyang timbang, kumpyansa naman si Coach Pol na kakayanin ito ni Dudut dahil pansin nyang active ang katawan nito.
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.49.14-PM-1024x574.png)
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.49.30-PM-1024x574.png)
Backflip lesson
Sa kanilang one-day backflip session, tinuruan ni Coach Pol si Dudut Lang ng tamang technique sa pagtalon, tamang bwelo sa pag-ikot ng katawan, at tamang landing kung saan magiging safe ang kanilang katawan.
Pinaalalahanan din ng coach sina Dudut na habang sinusubukan ang pag tumbling ay iwasan muna ang kulitan dahil maari silang mawala sa focus at hindi magawa ang tamang technique na maaring magdulot ng disgrasya.
Sa gitna ng pag-eensayo, may oras na tinamaan ng kaba at takot si Dudut na baka hindi niya magawa ng maayos at mauwi sa disgrasya.
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.54.36-PM-1024x574.png)
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.55.10-PM-1024x574.png)
Sa huli, nagawa ni Dudut ang goal na maka backflip kahit walang alalay ng coach.
“Marunong na ko at medyo naiintindihan ko na kung paano mag backflip. Kaso parang gusto kong dalhin sa next level, gusto ko yung flat ground,” paliwanag ni Dudut.
Samantala, dinala naman ni Dudut ang natutunang backflip skills sa nagdaang adventure ng Team Payaman sa Siargao. Sinubukan ni Dudut na mag-tumbling sa gitna ng dagat.
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.55.57-PM.png)
![](https://mediagroup.viyline.net/wp-content/uploads/2022/10/Screen-Shot-2022-10-12-at-1.56.05-PM.png)
Ayon kay Dudut, pagbubutihin pa nya pag-eensayo para magawa ang pangarap na pag-backflip sa sementadong lugar at magawa ito ng safe.
Watch the full vlog below:
![](https://mediagroup.viyline.net/wp-content/uploads/2022/08/300058021_108122922010970_1444263251134091386_n-1024x577.jpg)