Part 2: Viy Cortez Happily Documents Baby Kidlat’s First Vacation

Noong nakaraang linggo ay unang ibinahagi ni Viy Cortez ang kauna-unahang out of town trip ng kanilang pamilya kasama ang unico hijo nila ni Cong TV na si Baby Zeus Emmanuel Cortez Velasquez, a.k.a Kidlat.

Kasabay ng bakasyon ay ang masayang selebrasyon ng kaarawan ng ilaw ng tahanan ng pamilya Cortez na si Ginang Imelda.

Ngayon ay hatid muli ni Viviys ang ikalawang bahagi ng kanilang hindi makakalimutang bakasyon  kasama ang pamilya Cortez at ang mag-amang Cong TV at Baby Kidlat.

Day 2 at The Vineyard

Sa kanyang bagong vlog, muling ibinahagi ng 26-anyos na vlogger ang mga kaganapan sa likod ng masayang selebrasyon ng kaarawan ni Ginang Imelda Cortez.

Sinimulan ng YouTube power couple ang kanilang  morning routine kung saan kabilang ang paglanghap ng sariwang hangin at pagdala kay Baby Kidlat sa swimming pool upang paliguan sa kanyang mahiwaga ngunit cute na baby tub.

Bago pa man simulan ang pagpapaligo kay Baby Kidlat, agad na may reyalisasyon si Mommy Viy: “Dati nagbabakasyon kami [ni Cong] dalawa lang kami, ngayon… tatlo na kami!” 

Hindi nagtagal ay naligo na si Baby Kidlat sa kanyang mini-batya na sa tulong ng kanyang Daddy Cong at Mommy Viy. Tila enjoy na enjoy ang Team Payaman baby sa kanyang bath time!

Samantala, mas naging espesyal ang ikalawang araw ng bakasyon ng grupo sa The Vineyard at Tanauan dahil humabol ang bunso ng pamilya Cortez na si Yiv matapos ang exam nito.

At syempre, hindi kumpleto ang bakasyon kung wala ang walang katapusang pagsasalo-salo ng masarap na pagkain at hindi malilimutang kwentuhan.

Matapos nito, hindi rin pinalampas ng pamilya Cortez ang subukang mag-picnic sa ilalim ng maaliwalas na kalangitan at masarap na simoy ng hangin bago bumalik sa kani-kanilang mga tahanan.

Watch the full vlog below: