Angelica Yap to her Rhinoplasty Bashers: ‘I don’t think meron kayong pake!’

Matapos yanigin ang social media dahil sa kanyang bagong transpormasyon, umalma si YouTube vlogger Angelica Jane Yap sa mga bashers na bumabatikos sa pagsailalim nya sa rhinoplasty surgery. 

Sa kanyang latest vlog, pinasilip din ng Angel by VIYLine Cosmetics ambassadress ang kanyang bagong look mahigit dalawang linggo matapos ang operasyon. 

Alamin kung ano nga kaya ang say ni Angelica Yap, a.k.a “Pastillas Girl” sa mga netizens na kume-kwestyon sa kanyang naging desisyon. 

2-weeks post-operation

Proud na ipinakita ni Angelica Jane Yap sa kanyang 4.32 million YouTube subscribers ang bagong look dulot ng pinagdaanang rhinoplasty surgery. 

Ayon sa 28-anyos social media influencer, halos dalawang linggo na ang nakaraan ng siya ay ma-operahan at tuloy-tuloy naman aniya ang paghilom ng kanyang ilong. 

Bagamat hindi pa rin gaanong makapagsalita ng maayos ang dalaga ay masayang ibinahagi nito na maganda ang resulta ng kanyang pagpapagaling sa tulong na rin ng longtime boyfriend na si Archie, a.k.a Flow G. 

Angelica shuts down bashers

Samantala, hindi naman pinalampas ng VIYLine Cosmetics ambassadress ang pagkakataon para sagutin ang mga basher na ginagawan ng issue ang kanyang rhinoplasty journey. 

“Sa mga nagsasabi ng negative na why do I still need the rhinoplasty, balikan nyo yung last vlog ko para malaman nyo kung ano talaga yung reason bakit ako nag undergo ng surgery.”

Matatandaang sa nasabing vlog, pinaliwanag ni Angelica na kinakailangan niyang magpa-rhinoplasty at septoplasty surgery dahil sa kondisyon ng kanyang paghinga. 

Paliwanag ng dalaga, matagal ng barado ang isang butas ng kanyang ilong, dahilan para mahirapan itong huminga. 

Pero kahit aniya mag desisyon syang ipagawa ang ilong para sa ikagaganda ng kanyang mukha ay sinabing labas na ang mga bashers dito. 

“And kahit hindi ko kailangan magpa-septoplasty, kahit rhinoplasty lang, for example wala akong problem with my breathing, tapos I just wanna go and change my nose, I don’t think meron kayong pake,” mariing sabi ni Angelica. 

“As I’ve said, this is my life and this is my body and ako lang may karapatan at may desisyon kung anong gusto kong gawin sa katawan ko,” dagdag pa nito.

Sa huli, hinikayat ni Angelica Yap ang kanyang mga followers na huwag magpadala sa sasabihin ng iba. Aniya, ituloy lang ang anumang naisin sa buhay hanggat walang tinatapakan na ibang tao. 

Watch the full vlog below: