Dahil sa kanilang kakaibang bonding, marami ang humanga sa kakaibang ‘sisterhood’ na ipinapakita ng Team Velasquez ladies.
Muling kinabog ng Team Payaman Wild Cats ang social media dahil sa kanilang tila walang kupas na ‘sisterhood goals.’
Sa recent social media post nina Mommy Viy Cortez-Velasquez, Mommy Vien Iligan-Velasquez, Mommy Pat Velasquez-Gaspar, at Tiyang Venice Velasquez, ipinamalas ng grupo ang lalim ng kanilang pinagsamahan na higit pa sa pagiging magkakamag-anak.
Sa isang Instagram post ni Mommy Viy, ibinida niya ang kanilang masayang get-together na may simpleng caption na, “Real ✨.”
Sa larawan, bakas ang pagiging natural ng kanilang bonding habang nag-e-enjoy sa ilang baso ng wine. Agad namang dumagsa ang papuri mula sa netizens na humahanga sa kanilang pagsasamahan.
“Ang sarap ng ganito… pamilya na, magkakaibigan pa.” komento ng isang tagahanga.
Hindi rin nagpahuli si Mommy Pat Velasquez-Gaspar sa pagbabahagi ng isang mas emosyonal na reel. Ipinakita sa video ang raw at candid moments nina Mommy Pat, Viy, at Vien, mula sa malakas na tawanan hanggang sa seryosong iyakan.
Sa kaniyang caption, taos-pusong pasasalamat ang kanyang ibinahagi: “POV: You were blessed with sisters-in-law who became your best friends.”
Dagdag pa niya, isang malaking biyaya ang malamang magkakasama silang tatanda at magbabantay sa kani-kanilang mga pamilya.
“Nakaka-inspire ang istorya ng buhay ng pamilya niyo. Sana hindi kayo magbago at mas lalo pa kayong maging close sa isa’t isa. Kapupulutan ito ng aral ng mga kabataan ngayon,” paghanga pa ng isang netizen.
Para sa mga solid supporters ng Team Payaman, ang bonding na ito ay simbolo ng tagumpay na sabay-sabay nilang binuo. Maraming netizens ang naging sentimental at nagbalik-tanaw sa naging journey ng grupo.
“Ang sarap isipin na kasama kayo sa teenage memories namin, pandemic happy pill. Isa rin kami sa witness kung paano nabuo ang Team Payaman, Wild Dogs, Wild Cats, at Velasquez babies. Mula sa iconic proposals na nagsimula kay Junnie; mula sa pagsundo ni Cong kay Viy noon sa car dealer shop, hanggang sa sila na mismo ang bumibili sa mga car dealer; mula sa Congdo, Payamansion 1 & 2, at Congpound, hanggang sa nagkaroon na ng sariling mga bahay… pero Congpound pa rin. Solid kayo!” komento naman ng isang long-time fan.
Isinama ni Vien Iligan-Velasquez ang mga manonood sa Tanay trip ng kanilang pamilya sa kanyang…
Isang masaya at hindi malilimutang offroad adventure ang hatid nina Ninong Ry, Cong TV, at…
Isang masayang balita ang hatid ng mag-asawang Kevin Hermosada at Abigail Campanano-Hermosada sa kanilang mga…
Nagsanib-pwersa ang Team Payaman cook na si Dudut Lang at aktor na si David Licauco…
Hindi matatawarang mga reaksyon mula sa kanyang mga Tito at Tita ang natanggap ni Ulap…
Many people continue to look for effective ways to manage common underarm concerns such as…
This website uses cookies.