Dudut Serves Comfort Food and Good Vibes in His Latest Vlog

Isa na namang feel-good vlog ang hatid ng Team Payaman cook na si Jaime Marino de Guzman, a.k.a. Dudut, kung saan pinagsama niya ang kwentong pamilya, bagong simula, at masasarap na lutong-bahay sa iisang episode.

New Year, Fresh Start

Sa kanyang bagong vlog, ibinahagi ni Dudut ang ilang personal na kwento tungkol sa pamilya at mga taong naging bahagi ng kanyang buhay. 

Kasunod nito, masaya niyang ibinalita ang ng Team Payaman member ang kaniyang paglipat sa bagong tahanan kasama ang pamilya.

Habang abala ang kanyang mga kapatid at nanay sa pag-aayos ng kanyang kwarto sa bagong bahay, nagsimula na silang maglinis bilang bahagi ng kanilang pangakong maging parte ng kanyang 2026, habang si Dudut naman ay bumawi sa pamamagitan ng pagluluto ng paboritong ulam ng kanyang pamilya.

Ayon kay Dudut, mas maaasahan siya sa kusina kaysa sa pag-aayos ng bahay kaya’t pagkain ang kanyang naging handog sa araw na iyon.

Comfort Food

Tatlong putahe ang kanyang inihanda, at una na rito ang Chinese-style Crispy Pork Belly. Sinigurado ni Dudut na tuyo ang balat ng baboy bago lutuin, tinusok-tusok ito upang lumabas ang moisture, at tinimplahan ng Chinese spices gaya ng paminta, bawang, at asin. 

Sunod naman ang Salted Egg Shrimp na kaniyang nilagyan ng light coating bago iprito at saka hinaluan ng ginisang bawang, sibuyas, butter, salted egg, at bell peppers para sa creamy na sauce.

Panghuli ay ang Tofu Sisig. Pritong tokwa na hinaluan ng sibuyas, bell peppers, sili, at sauce na gawa sa liver spread, Japanese mayonnaise, at iba pang seasonings.

Matapos ang kainan, nakita rin ni Dudut ang maayos niyang kwarto na ikinatuwa at ikinarelax niya matapos ang mahabang araw. 

Para sa kanya, ang pinaka-importanteng nagawa niya ay ang mapaglutuan ang pamilya at makasama sila sa isang simpleng ngunit makabuluhang salu-salo.

Watch the full vlog below: