Patuloy na ipinapakita ng Team Payaman vlogger na si Aaron Macacua, a.k.a Burong, ang kanyang talento sa iba pang larangan bukod sa content creation.
Matapos ang kanyang acting debut sa Pencilbox Comedy noong 2024, nakatakda siyang muling makiisa sa isang malaking comedy event ngayong taon.
Sa kanyang bagong Facebook post, ibinahagi ni Burong ang paanyaya para sa ‘Pencilbox Comedy: Sun2kan sa Skydome’ na gaganapin sa October 26, 2025, alas-sais ng gabi sa SM North Edsa Skydome.
“Sa mga gusto makipag-suntukan, kitakits tayo sa Oct. 26, 2025,” ani Burong sa kanyang post.
Ang ‘Sun2kan sa Skydome’ ay bahagi ng ikalawang anibersaryo ng Pencilbox Comedy, ang sikat na sketch group na kilala sa kanilang mga nakakatuwang online content.
Para sa isang gabi lamang, tampok ang buong cast ng Pencilbox sa entablado para sa mga bagong sketches, segments, at iba pang eksklusibong bahagi na hindi mapapanood online.
Layunin ng pagtatanghal na maghatid ng live entertainment na puno ng katatawanan at interaksyon sa mga manonood.
Kasama sa mga bibida sa nasabing event ang mga kilalang content creator na sina Donna Cariaga, Charlize Ruth Reyes, a.k.a. Charuth, Richard Tan, Issa delos Santos, at JP Aguilera, pati na rin ang iba pang miyembro ng Pencilbox Comedy.
Sa pamamagitan ng palabas na ito, inaasahang maipapakita ng cast ang kakaibang kombinasyon ng enerhiya, komedya, at pagiging natural na matagal nang sinusubaybayan ng kanilang online audience.
Para sa mga interesadong manood, maaaring makabili ng ticket sa smtickets.com o saanmang SM Ticket outlet nationwide.
Walang humpay na katatawanan ang hatid ni Viy Cortez-Velasquez kasama ang grupo ng RaLaiNa sa…
If you’re looking for functional and interactive souvenirs for your guests at your next event,…
Recognizing that those who serve others often carry the heaviest emotional burdens, the Strong Mind…
Matapos ang naging tampuhan ng mag-asawang sina Cong TV at Viy Cortez-Velasquez, agad itong napalitan…
Big family fun is set to arrive as the official ticket selling for TP Kids…
Kung ang hanap mo ay Korean-inspired merienda na swak sa budget at kayang gawin sa…
This website uses cookies.