BEHIND THE SCENES: Team Payaman Fair 2025 VIYond The Beat Photoshoot

Matapos ang tatlong taon ng matagumpay na pagdadaos ng Team Payaman Fair sa Metro Manila, ngayong taon ay dadalhin na nila ito sa Cebu! 

Mark your calendars dahil mula December 1 hanggang December 4, 2025, sasayaw at sisigaw ng ‘PAAwer’ ang mga Cebuano sa SM Seaside City Cebu.

Cebu, Here We Come

Bilang panimula ng kanilang paghahanda, nagsagawa ang Team Payaman ng retro-inspired photoshoot para sa nalalapit na Team Payaman Fair 2025: “VIYond The Beat.” 

Sa bagong vlog nina Pat Velasquez-Gaspar at Aaron “Burong” Macacua, masisilip ang masasayang mga tagpo sa nagdaang TP Fair photoshoot.

Wholesome Moments

Sa bagong vlog ni Pat Velasquez-Gaspar, makikita ang mga kulitan ng ilang Team Payaman members habang naghahanda sila para sa shoot. 

Isa sa mga tumatak sa mga manonood ay ang biruan nila ng asawang si Exekiel Christian Gaspar, a.k.a Boss Keng. Hindi rin nawala ang pang-aasar ng TP fam sa isa’t-isa, na s’yang kinagiliwan ng mga manonood. 

Kasama rin sa photoshoot si JM Macariola, na hindi nakaligtas sa playful banter ng grupo matapos ang kanyang enhancement journey.

Bukod pa rito, ibinahagi ni Pat na this year marks a milestone para sa kanya: for the first time, hindi siya buntis sa TP Fair photoshoot. Kaya naman ramdam na ramdam ang excitement nila ni Boss Keng, kitang-kita sa kanilang sweet chemistry sa harap at likod ng camera.

Samantala, sa vlog naman ni Burong, ipinakita rin ang masayang biruan at candid shots sa mismong photoshoot. 

Present din ang kanyang asawa na si Aki, pati na ang ilang TP members na all-out sa suporta at saya para sa inaabangang Team Payaman Fair 2025.

Watch the vlogs below: