Top Funniest Highlights from the Star Magic All Star Games 2025

Naging usap-usapan online ang muling pagbabalik ng Cong’s Anbilibabol Basketball Team at Team Star Magic Shooting Stars sa basketball court para sa isang rematch.

Bukod sa ‘game on’ at serious moments, ito ang ilan sa mga laughtrip highlights mula sa inaabangang basketball rematch ng taon. 

TP Girls Bardagulan

Bago pa man magsimula ang laro, game na game ang Team Payaman girls na makipagbardagulan sa TikTok entry ni Viviys.

Isa-isang nakisayaw sina Vien Iligan-Velasquez, Aki Angulo, Clouie Dims, at Pat Velasquez-Gaspar bago suportahan ang mga TP players.

“Wala pang laban pagoda na HAHAHA,” caption naman ni Viviys sa kanyang post.

BOK-atti

Isa sa mga hindi malilimutang tagpo ng mga manonood ay ang nakakatuwang paghila ni Jaime de Guzman, a.k.a Dudut Lang, sa kakamping si Bok Magnata matapos nitong mabangga ng kalaban.

Muling binalikan ng TP vlogger na si Viy Cortez-Velasquez ang nakakatuwang nangyari at kanya itong ibinahagi sa isang social media post.

“Wala na talaga kayo respeto kay bok HAHAHHAHAAH,” biro ni Viviys.

Yow’s Funny Tactics

Kung katatawanan lang naman ang pag-uusapan, hindi nagpahuli si Yow Andrada, a.k.a Waldo d’yan matapos maging top trending ng kanyang courtside tactics para sa mga kakampi.

“Iba talaga Ang nag iisang Yow,” komento ng isang fan.

Anbilibabol’s Performance

At syempre, isa sa mga nakakatuwang pasabog ng Cong’s Anbilibabol Basketball Team ay ang kanilang pasabog performance.

Matapos marinig ang mensahe ng kalabang si Donny Pangilinan, nagbigay ng mensahe si Coach Cong sa pamamagitan ng isang performance.

“Kabahan kana Donneh!” linya mula sa nasabing performance na tumatak sa mga manonood.

Ano ang inyong paboritong All Star Games 2025 moment? I-share na ‘yan!