Viy Cortez-Velasquez Gears Up for Her Next-Level Vlog Releases

Matapos ang buwis-buhay na content sa Cebu, kaabang-abang na naman ang bagong vlogs na inihahanda ng Team Payaman vlogger na si Viy Cortez-Velasquez.

Sa kabila ng pagiging abala bilang mom of two at negosyante, pinatutunayan muli ni Viviys ang kaniyang dedikasyon sa paggawa ng de-kalidad na content para sa kaniyang mga tagasuporta.

BTS of Vlog Preparation

Kamakailan, ibinahagi ni Viy Cortez-Velasquez sa kaniyang Facebook post ang isang behind-the-scene update kung saan makikitang tuloy-tuloy pa rin ang planning sessions ng kanyang team kahit dis-oras na ng gabi.

Sa naturang update, mas lalo pang tumindi ang interes ng kanyang mga tagasuporta na malaman kung ano ang bagong konseptong inihahanda ng sikat na content creator.

Isa sa mga bahagi ng paghahanda ni Viy para sa kanyang vlog ay ang pakikipagtulungan niya kay Ms. Princess Anne Ramos ng Events by Miss P, isang event planner na kilala sa paghawak ng mga high-profile events at productions. 

Sa hiwalay na Facebook post, makikita ang isang pasilip mula sa kanilang virtual meeting. 

Ayon kay Ms. Ramos, mas elevated at talagang pinag-isipan ang mga paparating na vlog projects ni Viviys. Pinuri rin niya ang pagiging hands-on ni Viy sa bawat detalye ng preparasyon at nagpasalamat sa patuloy na tiwala ng vlogger sa kanilang team.

“Muntik na kong hindi makita. Grabe ka, Viy Cortez-Velasquez. Elevated talaga ang gusto mo sa next vlogs! Galing-galing palagi ng concept! Congratulations in advance, grabe sipag mo! And thank you so much for always trusting Events by Miss P. Love you!” ani Ms. Ramos sa kanyang post.

Bagamat wala pang eksaktong detalye kung tungkol saan ang mga bagong vlog, tiniyak ng Team Viy na siguradong kaabang-abang ito.

Netizens’ Comments

Samantala, inulan ng komento mula sa kanyang mga tagasuporta ang post ni Viy, bilang pagpapakita ng kanilang suporta at excitement sa mga paparating niyang vlog.

Jasmine Nato Santos: “Wow! Locar is back!”

Rose Ilagan: “Go, Mima! Support as always sa mga vlog mo.”

Jolina Villanueva: “Nakakakaba na talaga mga content mo, Ma’am Viy.”

GerLyn Tagle Cabate: “Waiting po, Ms. Viy.”