Junnie Boy Gets Hooked on Pickleball with Team Payaman

Bukod sa paglalaro ng basketball at online games, isa na rin ang pickleball sa mga sinusubukang laruin ng Team Payaman member na si Junnie Boy.

Tunghayan ang unti-unting pagkahumaling ni Junnie Boy nasabing laro at kung sino nga ba sa Team Payaman ang mabangis sa paglalaro nito?

PIKELBOY

Sa bagong vlog ni Marlon Velasquez Jr., a.k.a Junnie Boy, isang pasilip sa paglalaro ng pickleball ang kanyang ibinahagi.

Bukod sa kanya, sina Jaime Marino de Guzman, a.k.a Dudut Lang, Aaron Macacua, a.k.a Burong, at Steve Wijayawickrama ay nahuhumaling na rin sa paglalaro nito.

Biruan nila, mas malakas ang isa kumpara sa iba nilang mga kapwa TP member na naglalaro ng pickleball.

Upang mapatunayan kung sino nga ba kina Junnie, Dudut, Burong, at Steve ang may taglay na bangis sa paglalaro, sumalang ang mga ito sa isang open play.

Nagtungo ang grupo nina Junnie sa The Pickle Yar Parañaque upang magka-alaman kung sino nga ba ang magaling sa larangan ng pickleball.

Kasama rin nila ang asawa ni Junnie na si Vien Iligan-Velasquez na nahumaling na rin sa paglalaro ng nasabing sport. 

The Pickleball Kings

Tuloy-tuloy naman sa pagpalo at pagsalo ang grupo nina Junnie. Kanilang sinikap na mapatunayan na sila nga ay magaling sa paglalaro ng pickleball.

Kakampi niya ang kapwa TP member na si Dudut, habang sina Steve at Burong naman ang kanilang kalaban sa kabilang court.

Mas uminit ang laban nang magtagpo ang mga puntos ng dalawang grupo. Ngunit sa huli, nanalo ang tambalang Steve at Burong.

Watch the full vlog below: