Matapos hindi makapagdiwang ng kanyang ika-pitong taon sa YouTube, naisip ng actress at YouTube vlogger na si Alex Gonzaga na gawing makabuluhan ang selebrasyon sa pamamagitan ng pagtulong sa mga estudyante.
Sa kanyang bagong vlog, ibinahagi niya ang personal na inisyatibo na mamigay ng school supplies sa mga kabataang magbabalik-eskwela ngayong taon.
Sa unang bahagi ng vlog, muling bumisita sa Divisoria si Catherine Gonzaga-Morada, a.k.a. Alex Gonzaga, upang personal na mamili ng school supplies na kanyang ipapamahagi sa mga batang estudyante sa Lipa City, Batangas.
Kasama ang kanyang team at ang staff ng kanyang asawang si Vice Mayor Mikee Morada, sinigurado nilang maayos ang kalidad ng bawat gamit tulad notebooks, crayons, lapis, pad paper, sharpeners at transparent envelopes na ilalagay sa bawat school bag.
Matapos ang pamimili, ipinakita ni Alex kung paano nila inimpake ang mga gamit pang-eskwela sa kanilang tahanan upang masigurong maayos at pantay-pantay ang pamamahagi para sa mga bata.
Bukod sa school supplies, naging katuwang din ni Alex ang Oishi na nagpadala ng healthy snacks para sa mga bata. Ayon kay Alex, mahalaga rin na may baong meryenda ang mga estudyante upang mas ganahan silang pumasok at mag-aral.
Sa ilalim ng programang “Balik Eskwela,” personal na pinuntahan ni Alex ang ilang barangay sa Lipa City, Batangas, upang ipamahagi ang 2,100 school kits para sa mga mag-aaral mula Grade 1 hanggang Grade 6.
Sa kanyang mensahe, hinikayat niya ang mga bata na huwag titigil sa pag-aaral at patuloy na magsikap hanggang makatapos. Nagpasalamat rin si Alex sa mga guro, principal, at sa mga magulang na pinayagang makibahagi ang kanilang mga anak.
Sa pagtatapos ng vlog, taos-pusong pasasalamat ang ipinaabot ni Alex sa kanyang mga tagasuporta. Ayon sa kanya, kung hindi dahil sa kanilang panonood, suporta, at pagtangkilik sa kanyang content, hindi magiging posible ang ganitong uri ng proyekto.
“Sobrang happy kong ibahagi sa inyo na meron tayong mga batang napasaya at nabigyan ng pag-asa para mas mag-aral ng mabuti. Maraming maraming salamat dahil sa inyo kaya tayo nakakapagbigay ng tulong,” ani Alex sa kanyang vlog.
Samantala, maraming netizens ang humanga sa taos-pusong pagtulong ni Alex, na para sa ilan ay isang inspirasyong nagpapakita ng tunay na malasakit sa kapwa.
@Precy-n5k: “She did not even claim na sariling pera ang ginamit niya—bagkus sinabi niya na ang netizens ang tumulong para magawa ang purpose niya, which is tumulong. You will always be blessed.”
@enricovaldecantosabad8866: “I am deeply touched by your act of kindness. You inspired us by your genuine intention of sharing the blessings to the children. May you be blessed more… a thousandfold. You are an angel in your own simple way. God bless.”
@jpinoyvlog: “This is one of the most touching vlogs Alex Gonzaga has ever done. Walang iyakan, pero nakakatouch kasi halatang bukal sa puso ang pagtulong.”
Watch the full vlog below:
Muling nakasama ng resident cook ng Team Payaman na si Dudut Lang ang mga kaibigan…
In case you missed the first Viyline Skincare Day, don’t fret! You’re in for another…
Viyline Media Group is bringing back its highly anticipated Team Payaman Fair to SMX Convention…
Isang pangmalakasang buwis-buhay na promotion ang hatid ni Cong TV para sa Mang Tomas matapos…
Sa bagong vlog ni Viy Cortez-Velasquez, isang masayang hamon na naman ang kanyang hatid kasama…
Ready your wallets and carts as Viyline Cosmetics, TP Kids, and Ivy’s Feminity bring you…
This website uses cookies.