Goodbye Kevs: Is Kevin Hermosada Quitting Vlogging?

Maliban sa vlogging, mas aktibo ngayon ang Team Payaman editor-turned-vlogger na si Kevin Hermosada sa pagpapasaya ng mga manonood sa pamamagitan ng Facebook reels.

Ang pagtigil nga ba ang dahilan ng unti-unting pagkawala ni Kevin sa mundo ng YouTube? 

Is Kevin Quitting?

Sa kanyang bagong vlog, isang inspirational na content ang hatid ng Team Payaman vlogger na si Kevin Hermosada sa kanyang YouTube channel —kakaibang uri ng content kumpara sa kanyang usual funny vlogs. 

Sa unang bahagi ng kanyang video, isang backstory o pangangamusta ang hatid ni Kevin para sa kanyang mga manonood.

Ibinahagi n’ya na ang mga nakaraang buwan ay hindi naging madali para sa kanya dala ng matinding pag-iisip o pago-overthink. 

Isa sa kanyang matagal nang pinag-iisipan ay kung itutuloy pa n’ya ang kanyang karera pagdating sa pagba-vlog sa YouTube.

“Sa tagal kong walang upload [sa YouTube], hindi nawawala sa isip ko araw-araw kung what [contents] to release here. As in puro ako simula,” kwento n’ya.

Inamin ni Kevin na minsan n’ya nang naisipang tumigil sa pagba-vlog, ngunit mas naging matimbang ang dahilan ng kanyang pagpapatuloy —ang kanyang mga mahal sa buhay.

More Contents from Kevs

Naging emosyonal si Kevin nang balikan n’ya kung paano naging susi ang paggawa ng mga contents sa pagpe-preserba ng mga alalang nabuo n’ya kasama ang mga mahal sa buhay.

“Dito nagsimula ang lahat, kung paano ako nangarap, kung paano ko nagustuhan ang vlogging,” aniya.

“Don’t quit!” sambit ni Kevin.

Doon n’ya napagtanto ang kahalagahan ng hindi pagsuko sa anumang hamong binabato sa kanyang buhay.

Nangako rin si Kevin sa kanyang mga manonood at solid na mga taga-suporta na patuloy pa rin s’ya sa paggawa ng mga contents para rito.

Samantala, marami naman ang natuwa at na-inspire sa kakaibang aral na hatid ni Kevin sa kanyang bagong vlog upload.

@ferrerjoanngiel884: “Di mapapapagod sumalyap at bumisita. Sa oras ng pagod at pagpapahinga, mananatili kaming aantabay sayo. Welcome back, Boss Kevin!” 

@knnthp__: “Napapaisip na din ako mag quit kuya kevs dito sa career na meron ako. Dahil sa upload mo naalala ko yung panahon na pinapangarap ko lang to. Tuloy lang!”

@arvinnicolas7524: “Now playing:  Ayoko Na – Libre , mag papaalala sayo na mag patuloy ka sa filming, Boss Kevs!”

Watch the full vlog below: