Veteran Wedding Host Eri Neeman Addresses ‘Kalbo’ Jokes

Kilala si Eri Neeman bilang isa sa mga tanyag na wedding hosts sa bansa na may tinatayang mahigit sa isang dekadang karanasan pagdating sa industriya ng kasalan.

Sa likod ng kanyang nakaka-aliw na wedding ceremony spiels ay ang katotohanan na kanyang nararamdaman sa tuwing s’ya ay makakabasa ng “kalbo” jokes.

Addressing ‘Kalbo’ Jokes

Sa kanyang recent Instagram reel uploads, taas noong hinarap ng beteranong Wedding Host na si Eri Neeman ang mga patutsada pagdating sa mga lumalaganap na mga biro online.

Nilinaw ni Eri na una na n’yang sinubukan magbitaw ng mga “kalbo jokes” upang makapagbigay aliw sa kanyang munting komunidad.

“Narealize ko as I was continuously pushing Kalbo Jokes for the past two years, nakikita ko na medyo the comments were getting toxic,” kwento niya.

Ibinahagi rin n’ya na ang dahilan ng pagkakaroon ng bald hairstyle ay dahil tiyak s’yang ito ang babagay sa kanya. 

Isa sa mga inaalala ni Eri ay ang mga kapwa n’ya kalbo na naging sanhi ay ang pagkakaroon ng health issues gaya ng alopecia, cancer, na nakakaranas ng cyberbullying.

“Nakita ko na ‘yung epekto ng ganun sa mga tao who didn’t choose to lose their hair,” aniya.

Taas noo namang tinanggap ni Eri ang pananagutan sa kanyang mga sinimulan na kalbo jokes at ipinaliwanag na kanya nang tinuldukan ang paggawa ng mga nasabing contents.

Touching Comments

Matapos mapakinggan ang pahayag ni Eri pagdating sa ‘kalbo’ jokes, marami ang natuwa at nakiisa sa hangarin n’yang tuldukan ang nasabing mga biro.

Thebeardedhost: “We take care of our own kalbs. Okay lang yan, ‘di ka nag iisa! #baldlove”

Pidomontecillo: “Started with boy pick-up; rediscovered with the kalbo jokes; got more invested with the takusa chronicles with @dinocornel, sustained with the wedding clips; empathized with the life lessons… Tldr, stay for the journey!”

Henri41: “Thanks for this.. Very much appreciated!”